Испаниялық музыканттар «Опералия-2024» фестиваліне қатысады
![Испаниялық музыканттар](/img/articles/acbc9ac1576d5217660ff5f972229618.jpg)
7 маусымда К.Байсейітова атындағы Камералық зал сахнасында өзінің жоғары стандарттарымен және әйгілі орындаушыларымен танымал «Опералия» халықаралық музыкалық фестивалі өтеді, деп хабарлады Elorda.info.
Классикалық музыканы ұнататын жандар мен латынамерикалық музыкалық мұраның жанкүйерлері фестиваль қонағы – аккордеоншы Иньяки Альбердимен кездесуді асыға күтуде.
Аккордеондағы шебер ойынымен танымал музыкант қос дәстүрді біріктіреді: өзінің туған елі Эускадидің оның бай фольклоры тұнған дәстүрі және өз туындылары үшін аккордеонда мәнерлі, сиқырлы әрі өте әмбебап әуендерді тапқан заманауи композиторлардың дәстүрі.
Бұл концертте Альберди бір топқа жататын бандонеон мен аккордеон аспаптарын біріктіруді және аргентиналық композитордың камералық ансамбльге арналған барынша белгілі туындыларының бірқатарына саяхат жасауды ұсынады.
Техникасы шебер әрі музыканы терең түсінетін гитарашы Алекс Гарробе, өз ойынында техникалық мінсіздік пен эмоциялық айқындылықты біріктірген скрипкашы Энекотис Мартинес және ансамбльге қуатты әрі терең дыбыс үстейтін контрабасшы Гонсало Техада Иньяки Альбердимен бірге ансамбльде ойнайды. Оның орындауы әрдайым дәлдігімен және мәнерімен ерекшеленеді, бұл оны квартеттің теңдессіз қатысушысы етеді.
Біз Астанада және осынау керемет театрда алғаш рет өнер көрсетеміз. Мен Қазақстанға Уругвай астанасы Монтевидеодан келемін, сол үшін мәдениетте түбегейлі өзгеріс болғалы тұр. «Астана Операны» Буэнос-Айрестің және біздің музыкамыздың рухымен толтыру мен үшін маңызды болмақ. Бұл фестиваль – осы жылғы гастрольдік тізіміміздегі маңызды сәттердің бірі, сондықтан әлбетте, өзімізді ең жақсы қырымыздан көрсеткіміз келеді, - деп түсіндірді Иньяки Альберди.
Осылайша, әртістер мазмұнды бағдарлама дайындауда, олар Астор Пьяццолланың Ave Maria, Фугата, Милонга дель Анхель, Tanguedia, «Буэнос-Айрестегі жылдың төрт мезгілі» секілді басқа да көптеген танымал туындыларын ұсынады. Пьяццолланың осы шығармаларға салған барлық сезімдерінің әр алуандылығын музыканттардың жеткізе алатынына еш күмән жоқ. Оларды композитордың бай музыкалық әлемін бейнелейтін күрделі ырғақтар мен әуенді жолдар сипаттайды.
Бұл – А.Пьяццолланың репертуарымен танысудың басқа тәсілін көрсететін бағдарлама. Бастапқыда квинтетке арнап жазылған шығармаларда электрогитараны, фортепианоны және бандонеонды классикалық гитарамен және аккордеонмен алмастырдық, ал контрабас пен скрипка сол күйі қалды. Осылайша, біз өте камералық музыкалық бағдарламаны ұсынамыз, онда әрбір аспапшының рөлі ерекше, ал классикалық гитара нағыз Буэнос-Айрестік әуен жасайды. Біз елордалық көрермендерге «Буэнос-Айрестегі жыл мезгілдері» немесе «Милонга дель Анхель» сынды ұлы классикалық туындыларды, сондай-ақ «Педро мен Педро» тәрізді аз-кем танымал әндерді ұсынамыз. Білуімше, соңғы аталған ән Астор Пьяццолланың репертуарындағы бандонеонға арнап жазылған ең күрделі шығармаларының бірі саналады, - деп атап өтті музыкант.
Концерт Испанияның Қазақстандағы Елшілігінің қолдауымен «Опералия» халықаралық музыкалық фестивалі аясында өтеді. Ол аргентиналық классикалық музыканың әсемдігін паш ету үшін ойластырылған. Жоғары орындаушылық деңгей, музыкалық туындылар мен композиторлық ойдың тереңдігі осынау кешті барлық қатысушылар үшін ұмытылмастай ететіні сөзсіз.
Қазақстандықтармен кездесетін күнді асыға күтеміз, сіздердің мәдениеттеріңізге бір табан жақындай түскім келеді. Сіздерде зор музыкалық мәдени дәстүр бар екенін білемін, ол мені қатты қызықтырады, онда ән салуға, ырғақ пен үйлесімділікке әсер ететін таңғаларлық микс жиналған. Осы мәдениетке бойлап, одан ләззат алуды қалаймын, - деп қорытындылады Иньяки Альберди.
![«Қазақконцерт» әртістері АҚШ-та өнер көрсетті](/img/articles/0efe4e3062e93ac5a3382081136a03c7.jpeg)
![Президенттік арнаулы әдеби сыйлыққа өтініш қабылданып жатыр](/img/articles/07485779c69c1f2b3221035500d21617.jpeg)
![Астанада эстрада-симфониялық оркестрінің концерті өтеді](/img/articles/fadf8c0b3a3139739589d02030f4d5bd.jpg)
![Есіл жағалауында «Әуендер толқыны» концерті өтті](/img/articles/245fade700a41c36effe67302d31dbeb.jpg)
![Астанада «Тұлғалар – ғажап жандар» кітабының тұсаукесері өтті](/img/articles/527b037c7411ee556a3c39a39e2ebe1b.jpg)
![Қазақстандық театр әртістері Оңтүстік Кореяда өнер көрсетті](/img/articles/5a9ccb6c53c752cdf71aa2c8944225c5.jpg)
![Испаниялық музыканттар «Опералия-2024» фестиваліне қатысады](/img/articles/acbc9ac1576d5217660ff5f972229618.jpg)
![Инклюзивті театр: дипломы жоқ қанатты актерлердің өнер ордасы](/img/articles/cbee92a15c1f511a3726577c4393f19c.jpg)
![Елордада Жамбыл Жабаев туралы көркем фильмнің тұсауы кесілді](/img/articles/0db8363d8e9bdcac8a379af5e9609cfa.jpg)
![Колумбияның беделді радиосында Димашқа арналған бағдарлама шықты](/img/articles/7b6967f092121630a0c189e10a1dcc26.jpg)
![Астанада «Тұлғалар – ғажап жандар» кітабының тұсаукесері өтті](/img/articles/527b037c7411ee556a3c39a39e2ebe1b.jpg)
![Алтынбек Нұхұлы: Қаныш қазақтың ғылымынан бөлек руханиятына да ерекше үлес қосқан тұлға](/img/articles/2396b2dbc49a5722910387452bab0466.jpg)
![Хорватиялық балалар Қазақстан туралы деректермен танысты](/img/articles/1c009226bb8144c701a68ad8592ba8b8.jpg)
![16 наурыз - Мәдениет және ұлттық салт-дәстүр күні](/img/articles/uploads/nauryznama_fad85260f3.webp)
![Олжас Құрманбек: Қобызды бүкіл әлемге дәріптегім келеді](/img/articles/64a7a39f1aaa4b27a87b929f2e447556.jpg)
![«Дәстүр» фильмі: Қоғам пікірі неге екіге жарылды?](/img/articles/uploads/fil_ff541376e5.jpg)
![Димаш Шанхай опера театрының сахнасында өнер көрсетті](/img/articles/fc0fde4c6d49e2c30c26705afb68dd14.jpg)
![Елордада «Бейбарыс» операсының премьерасы қойылды](/img/articles/uploads/gl_8790f036fa.jpg)