Елордада бейнероликтер байқауы мәресіне жетті

Астанада «Жергілікті бастамалар» әлеуметтік жобаларға арналған бейнероликтер байқауының грант иегерлері мен лауреаттары белгілі болды, деп хабарлады Elorda.info

Марапаттау рәсімі елорда мен облыстардың үкіметтік емес ұйымдары, қоғам қайраткерлері, волонтерлік қоғамдастық мүшелері мен әкімдік өкілдері қатысқан ХІ Азаматтық форум аясында өтті.

Байқау ережесіне сай ұсынылған бейнероликтер мазмұнды және халықтың әртүрлі топтарының әлеуметтік мәселелерін шешуге бағытталған болуы керек. 

Қазылар алқасының щешімімен төмендегі авторлардың жұмысы үздіктер қатарынан табылды:   

• «Семей ЯП» ҚҚ,

• «Нұр Әлем Қазақстан» ҚҚ,

• «Оңалту технологиялары мен тұжырымдамаларының қоғамдық қоры» ҚҚ,

•  «Best For Kids» ҚҚ

• «Mama Pro» ҚҚ

• «Тең мүмкіндіктер әлемі» ҚҚ,

• «Қазақстан корейлерінің жастар қозғалысы» ҚБ,

• «Қара шаңырақ» ҚБ,

•  «Strong mother NS» ҚҚ

• Склерозбен ауыратын мүгедектердің қоғамдық бірлестігі.

Іріктелген 20 жұмыстың 10-ы 500 мың теңгенің сертификатына тие болып,  қалған жеңімпаз болған жұмыстардың авторлары естелік сыйлықтарға ие болды.