Жамбыл облысында астан уланған оқушыларға байланысты тергеу жүріп жатыр – прокуратура
7 қарашада Жамбыл облысы Байзақ ауданының орталық ауруханасының инфекциялық бөлімініе Сарыкемер ауылына қарасты Н.Киікбаев атындағы мектеп-гимназиясының 46 оқушысы мен 2 мұғалімі түсті. Олар тамақтан уланған болуы мүмкін, деп хабарлады Elorda.info.
Жамбыл облыстық прокуратурасының мәліметінше, қазіргі уақытта тексеру нәтижелері бойынша 35 адам ауруханаға жатқызылды (33 оқушы және 2 мұғалім).
Сонымен қатар санитарлық-эпидемиологиялық қызмет тиісті тексеру тағайындады.
Аталған жайт Байзақ аудандық полиция бөлімі ҚК-тің 304-бабының 1-бөлігі бойынша (cанитариялық қағидаларды немесе гигиеналық нормативтерді бұзу) сотқа дейінгі тергеудің бірыңғай тізіліміне тіркеліп, іс аясында қажетті тергеп-тексеру шаралары жүргізілуде.
Қылмыстық істің тергелуі облыс прокуратурасының бақылауында.
ҚПК 201-бабының талаптарына сәйкес басқа мәліметтер жариялануға жатпайды.