Іздеу 
қаз
Астаналық ерлі-зайыптылар ұрыларды ұстап алды
Елорда ақпарат 
43 
Астанада ерлі-зайыптылар ұрыларды ұстап алды, деп хабарлады Elorda.info.
Елорда тұрғыны кешкі уақытта үйіне қайтып келе жатып, ауладан екі бейтаныс адамды көреді. Белгісіз адамдар әйелдің күдігін туғызып, ол жұбайын шақырған. Ер адам да олардың күдікті әрекеттері мен қолдарындағы күдік тудыратын затты байқайды. Астаналық азамат “102” пультіне қоңырау шалып, полиция келгенге дейін ұрыларды ұстап тұрған.
Шақыру бойынша келген полицейлер ұсталғандардың үйдің терезесін бұзып кіріп, ГАЗель көлігінен механика қорабын және кран-балка ұрлап кеткенін анықтады. Полиция қызметкерлері күдіктілерді Байқоңыр ауданының аумақтық Полиция басқармасына жеткізді.
Аталған факті бойынша сотқа дейінгі тергеп-тексеру жүргізілуде. Ұсталған адамдардың бұрын жасалған осыған ұқсас қылмыстарға қатысы бар-жоғы анықталуда. Заттай дәлелдемелер тәркіленіп, иесіне қайтарылды.
Астана қаласының Полиция департаменті белсенді азаматтық ұстанымы үшін қала тұрғындарына алғысын білдірді. Сонымен қатар полицейлер мұндай жағдайда өзінің өмірі мен денсаулығына қауіп төндірмей, полицияға немесе “102” мобильдік қосымшасына дереу қоңырау шалуды еске салады.
