00:00
Астана -10oC
USD:
447.4
EUR:
477.55
RUB:
4.76
Іздеу

Астаналық спортшы XX қысқы Сурдлимпиада ойындарында ту көтеріп шығады

28.02.2024 | 08:59
115
Фото: дереккөз

ХХ қысқы Сурдлимпиада ойындары Түркияның Эрзурум қаласында 2-12 наурыз аралығында өтеді.

Дүбірлі додаға 36 мемлекеттен мыңға жуық спортшы қатысады. Жарыста тау шаңғысы, сноуборд, шаңғы жарысы, шахмат, футзал және керлинг спорт түрлерінен 34 медальдар жиынтығы ойнатылады.

Қазақстан тарапынан осы қысқы ойындарға шахмат, сноуборд және шаңғы жарысынан 26 спортшы қатысады. Байрақты бәсекеде ел намысын шахмат жарысы бойынша қос астаналық сурдо спортшы Әлия Мұратова мен Сұлтан Қожахметов қорғайды.

ac5d60f3cc5050aca092c2158de0d3ae_1280x720.jpeg

Іс-шара барысында қысқы Сурдлимпиада ойындарының ашылу салтанатына еліміздің туын ұстап шығу мәртебесі шахматтан әлем чемпионатының қола жүлдегері елордалық Сұлтан Қожахметовке тапсырылды. Спортшыға туды Сиднейде өткен жазғы Олимпиада ойындарының жеңімпазы Ермахан Ыбрайымов табыс етті.

Шахматпен айналысқаныма 10 жылдан астам уақыт болды. Биыл алғаш рет қысқы Сурдлимпиада ойындарына қатысқалы тұрмын. Бұл жарыста еліміздің туын ұстап шығу - мен үшін үлкен абырой. Ел үмітін ақтап, үздіктер қатарында болуға барлық күш жігерімді саламын! - деді С.Қожахметов.

Барлық жаңалықтар