00:00
Астана -10oC
USD:
472.62
EUR:
513.22
RUB:
5.43
Іздеу

Астаналық ғалымдардың кітабы әлемдік баспадан жарық көрді

12.02.2024 | 08:25
263
Фото: ашық дереккөз

Белгілі баспадан шыққан кітаптың авторлары – математика және компьютерлік модельдеу кафедрасының аға оқытушысы Берік Төлеуов және ақпараттық қауіпсіздік жүйелері кафедрасы доцентінің міндетін атқарушы Әдемі Оспанова.

ЕҰУ ғалымдарының еңбегінде әлемдік техникалық әдебиеттерде бұған дейін айтылмаған бірегей жаңа мәліметтер келтірілген. Жаңа басылым Windows жүйесінде C/C++ компиляторларын жылдам және тиімді орнату жолдарын сипаттайды.

C/C++ компиляторларын орнату әдетте көп уақытты алады, өйткені адамдардың басым көпшілігі Microsoft Visual Studio бағдарламасын пайдаланады.

Visual Studio бағдарламасын орнату әдетте шамамен 40 ГБ дискілік кеңістікті және көп жедел жадты қажет етеді. Сондықтан оны өнімділігі төмен деңгейлі жабдықта іске қосу мүмкін емес. Енді біз Microsoft C/C++ компиляторын қолданудың қарапайым әдісін ұсынамыз. Оның барысында дискілік кеңістікпен мәселе туындамайды немесе аппараттық ресурстардың жетіспеушілігі орын алмайды. Бұл әдіс уақытты айтарлықтай үнемдейді, өйткені бағдарламалық жасақтаманы, тіпті флэш-дискілер сияқты алынбалы құрылғыларда оңай және портативті түрде орналастыруға болады, - дейді аға оқытушы Берік Төлеуов.

ЕҰУ ғалымдарының еңбегі C++ тілін меңгеруге уақыты мен күш-жігерін үнемдегісі келетін және бағдарламалық жасақтаманы орнатумен танысуға қызығушылық танытатын барлық пайдаланушыларға арналған. Қазір кітапты студенттер де, оқытушылар да пайдаланады.

Атап өтейік, Springer  баспасы– жаратылыстану ғылымдары бойынша академиялық журналдар мен кітаптар шығаруға маманданған халықаралық баспа компаниясы.

Қазірге дейін  компаниядан бүкіл әлем бойынша 2 900 журнал және 300 000 кітап шыққан.

Барлық жаңалықтар