Төреғали Төреәлінің қарындасы денсаулығы сыр бергенін жазды

Әнші Төреғали Төреәлінің қарындасы Фариза Төреәлі әлеуметтік желіде өзінің бұл күнде денсаулығына байланысты түрлі сынамалар тапсырып жүргенін айтты, деп хабарлады Elorda.info.  

 Ол бұл күнде  жолдасы блогер Дархан Нортаевпен бірге Түркияда онкология бойынша тексеріліп жүргенін жасырмады.  

Неден бастарымды білмей тұрмын. Бірақ, бөліскім келіп тұр. Бәрін толық айта алмасам да, шет жағасын біліп жүріңіздер. Неге қуанышты сәттерімді бөлісе беремін дедім өзіме. Сіздер менің екінші отбасым, әрқашан қолдайсыздар, бірге қуанасыздар, бірге көп сәттерді бастан өткізіп келеміз. Қазір де кішігірім сынақтан өтіп жатырмын. Алланың мейірімі сондай шексіз, не болса да қабылдаймын. Онкология бойынша диагностикаға келдім. Елде нақты ештеңе айта алмады, бірақ өзгерістер бар екен. Нейроэндокриндік ісікке күдік бар, тексерілу керек. Аздап мән бермей жүрген едім. Дархан жай қалдыруға болмайды деп қатты кірісті, - деп жазды блогер. 

Ол, жолдасы оған айтпай Түркияға билет алып қойғанын айтты.