Роза Рымбаеваға екі рет қастандық жасалды

Халық әртісі Роза Рымбаеваға осы уақытқа дейін өміріне қауіп төнетін екі қастандық жасалған. Бұл жайлы әншінің ұлы Әли Оқапов REVUE NEWS бағдарламасында айтып берді, деп хабарлады Elorda.info.

Қиын кезеңде анама қастандық жасағандар бар. Әрине, қазір де бар. Ол өмір бойы бола береді. Анам екі рет өліп кете жаздады. Оны көбісі біле бермейді. Кей нәрсені тым ашып айтып қойғандай. Тым шынайы. Кейде біз «Осыны да айтуға бола ма?» дейміз. Ол кісі «Шындық қой. Неге айтпайсыңдар? Оны бәрі біледі» дейді. Кез келген қадамым үшін жауап беруге дайынмын дейді, - деді әншінің ұлы Әли Оқапов. 

Сонымен қатар әнші Әли Оқапов анасы жайлы фильм түсіруге тырысып жүргеніне үш жыл болғанын айтты.

Үш жыл қатарынан өтпей кетіп жатырмыз. Жылда шаршамай, «Роза» атты папкамды әкеліп жүрмін. Осы киноға қарсы шыққандар көп. Олардың өз жоспары бар шығар және біз оған сай келмейтін шығармыз. 90 жылдар, әкеміздің өмірден өткені бар, менің және Мәдидің өмірге келгені бар. Фильмде жағымсыз кейіпкерлер де бар. Оның барлығы өмірден алынған, - деді Әли Оқапов.