Ресейліктер қазақстандық банктерге белсенді түрде ақша салып жатыр

 Қазақстандық банктерге ресейліктер белсенді түрде ақша салып жатыр, деп хабарлады Elorda.info LS-ке сілтеме жасап.

Қаржы нарығын реттеу және дамыту агенттігі Ресей азаматтарының (жеке тұлғалардың, соның ішінде ЖК) салымдары мен ағымдағы шоттары бойынша қалдықтардың көлемі 2022 жылғы 10 қазанда 678,2 млрд теңгеге жеткенін мәлімдеді.

Жыл басында бұл көрсеткіш 145,6 млрд теңге деңгейінде болды. Бұл ретте жыл басынан бері өсім 532,6 млрд теңгені немесе 366% (+4,6 есе) құрады. Сонымен қатар, банктік клиенттер саны – 156,4 мыңнан 272,9 мың адамға дейін (+74%) артты, - деп жазылған хабарламада.

Ұлттық банктің деректеріне сәйкес осы жылдың 1 қыркүйегіне банктік салымдар көлемі 28,2 трлн теңгеге (+8,6%) дейін өсті. Жыл басында көрсеткіш 26 трлн теңгеден сәл асқан болатын.

Салымдардың ең көп сомасы Халық банкінде – 9,8 трлн теңге (+16,6%), Kaspi Bank-те – 3,5 трлн теңге (+25%), ЦентрКредитБанкінде – 2,4 трлн теңге (+84,6%), Forte банкте – 1,9 трлн теңге (+11,7%), Фридом қаржы банкінде – 279,5 млрд теңге (+169,5%), - деп жазылған хабарламада.

Айта кетейік, тоғыз айдың ішінде Bereke Bank (Сбербанк) салымдары айтарлықтай қысқарды. Егер қаңтарда 2,62 трлн теңге болса, қыркүйекте – 897,8 млрд теңге.