Үш айда 80 елордалық мемқызметші тәртіптік жауапкершілікке тартылды

Кеңесте Нұр-Сұлтан қаласы санитарлық-эпидемиологиялық бақылау департаменті мен ҚР АШМ Ветеринарлық бақылау және қадағалау комитетінің Нұр-Сұлтан қаласы бойынша аумақтық инспекциясы Әдеп жөніндегі уәкілдерінің «Мемлекеттік қызметшілердің 2021 жылға қызметтік әдепті сақтауына мониторинг және бақылауды жүзеге асыру нәтижелері туралы» есептері тыңдалды.

Сондай-ақ тәртіптік комиссиялардың жұмысын талдау және былтырғы 4-тоқсандағы мемлекеттік органдардың тәртіптік практикасы қорытындылары қаралды.

Отырыста баяндалғандай, бірқатар мемлекеттік органда мемлекеттік қызметшілерден тәртіптік жазаны мерзімінен бұрын алып тастау фактілері бар, бұл тәртіптік жазаны қолданудың формалдылығын көрсетеді.

Отырыс қорытындысы бойынша Мемлекеттік қызмет саласындағы заңнама талаптарының бұзылуына жол берген мемлекеттік органдардың басшыларына кінәлі лауазымды тұлғаларды тәртіптік жауапкершілікке тарту және болашақта мұндай құқықбұзушылықтардың алдын алу шараларын қабылдау ұсынылды.