Биыл 100 мың көлік шығаратын болдық

Егер өңдеу өнеркәсібі жылына 5 пайыз төңірегінде өсім көрсетсе, былтыр машина жасау саласы 16 пайызға өскен. Биыл 8 айдың қорытындысы бойынша өсім 24 пайызды құрапты.

Ел тарихында алғаш рет машина жасау өнеркәсібінің көлемі қара металлургия өнеркәсібінен 10 пайызға асып түсіп, 1,8 триллион теңгені құрады.

«Машина жасау саласы да бірнеше бағыттан тұрады. Оның ішінде көлік құрастыру, электротехникалық машина жасау және ауылшаруашылығына арналған машина жасау бар. Былтыр Қазақстан 75 мың көлік өндірген болса, биыл алға қойған жоспарымыз – 100 мың көлік өндіру. Өткен жылы 8 мың машина шетелге экспортталса, биыл оны 2 есеге ұлғайтуды жоспарлап отырмыз. Яғни 15 мың жаңа көлік экспортталады», - деді Марат Қарабаев.

Сондай-ақ 2022 жылы оның көлімін 30 мыңға дейін ұлғайту көзделген. Былтыр отандық нарықта 96 мың жаңа көлік сатып алынса, оның 66 мыңы отандық өндірушілерге тиесілі.