Қай өңірлерде көлік қымбаттады

Көлік өндіруші елдердің алғашқы үштігінде Қытай (5 млн көлік), Жапония (1,9 млн көлік) және Үндістан (1,1 млн көлік) бар.

ТМД елдері арасынан Ресей (рейтингте 9-орында; 365,2 мың көлік, былтырға қарағанда 13,1%-ға көп) мен Өзбекстан (рейтингте 29-орында; 44,5 мың көлік, былтырға қарағанда 41,2%-ға аз) көш бастап тұр.

Қазақстаннан төмен нәтиже көрсеткендер – Беларусь (5,3 мың көлік), Украина (1,7 мың көлік) және Әзербайжан (408 көлік).

Биылғы қаңтар мен тамыз айлары аралығында Қазақстанда 47,5 мың жеңіл автокөлік шығарылған, бұл былтырға қарағанда 26,9%-ға көп. 

Өңірлерге шақсақ, 30,8 мың көлік Қостанай облысында, 16,8 мың көлік Алматыда шығарылған.

Биыл отандық автокөлік өндірісінің артқанына қарамастан, отандық компаниялар жергілікті халықтың сұранысын тек 46,3%-ға қанағаттандырған. Сәйкесінше, импорттың үлесіне көліктердің 53,7%-ы (немесе 47,3 мың көлік) тиеді, бұл былтырға қарағанда бірден 2,2 есе көп.

Биылғы тамыз айының қорытындысы бойынша, елімізде жаңа жеңіл көліктер бір жыл ішінде 10%-ға қымбаттаған. 

Өңірлер бойынша қарасақ, су жаңа темір тұлпарлар әсіресе Қостанай (13,8%-ға), Ақтөбе (13,1%-ға) және Батыс Қазақстан облыстарында (12,9%-ға) қаттырақ қымбаттаған.

Ал ұсталған көліктер бойынша бағаның аспандауы Батыс Қазақстан (24,5%-ға), Атырау (12,6%-ға) және Алматы облыстарында (12,5%-ға) қаттырақ байқалған.