«Birgemiz» волонтерлер фронт-офисі биыл 5 277 іс-шара өткізді
![](/img/articles/uploads/639ae294852cd887589513_8186b7147e.jpg)
Әр ай сайын Elorda.info өз оқырмандарын еліміздегі түрлі волонтерлер жұмысымен таныстырып келеді. Олар атқарып жүрген істердің қоғамдағы құндылығы мен маңыздылығы қашан да биік тұрары анық. Күнделікті өмірде еріктілердің көмегімен атқарылатын талай істердің артында қанша еңбек пен жанкештілік жатқаны былайғы қарапайым жұртқа байқала бермейді. Біздің де мақсатымыз – сол сөзге нәмәрт, іске жомарт жандардың тыныс-тіршілігімен кеңірек таныстыру. Осы жолы редакция тілшісі «Birgemiz» республикалық волонтерлер фронт-офисінің аймақтық менеджері Дархан Сұлтанмен сұхбаттасып, биыл атқарылған жұмыстардың жай-жапсары туралы сұрады.
Елімізде волонтерлік бастамаларды біріктіретін бірыңғай орталық 2020 жылы ашылды. Елордадағы «Birgemiz» атты республикалық волонтерлер фронт-офисінің ашылу рәсіміне Президенттің өзі қатысқан. Ол сол келісінде волонтерлік жобаларды үйлестіретін әрі қоғамдық мониторинг жасайтын және волонтерлікті бүкіл еліміз бойынша оқытып, насихаттайтын фронт-офистің жұмысымен танысты.
«Birgemiz» республикалық фронт-офисі — 17 аймақтық волонтерлерді қолдау орталығынан тұрады. Фронт-офистің аймақтық менеджері Дархан Сұлтан алдағы жылы тағы 3 аймақтық орталық ашылатынын қуана жеткізді.
Біз республика бойынша аймақтық 17 орталықпен бірлесіп жұмыс істеп келеміз. Алдағы жылы тағы да 3 орталық қатарымызға қосылады деп жоспарлап отырмыз. Биыл аймақтық волонтерлер фронт-офистерімен бірге 5 277 іс-шара өткізілді. Оның ішінде, тікелей волонтерлердің қатысуымен өткен шаралар саны 5 400 болса, еріктілерді қолдауға және оқытуға арналған шаралар саны 237-ні құрайды. Ал осы іс-шаралардың барлығына жалпы жиыны 110 мыңнан аса ерікті қатысты, - дейді Дархан Сұлтан.
Елімізде волонтерлік қызметтің ең көп тараған түрі – әлеуметтік бағыт. Еріктілер әлеуметтік жағдайы төмен жандарға көмектесуге тырысады. Төтенше жағдай кезінде де сала мамандарына өз көмектерін көрсетеді. Одан бөлек, еріктілер ақпараттық насихаттау жұмыстарына да атсалысады. Мереке күндері өткізілетін бірегей концерттер мен спорттық жарыстарда ұйымдастырушылар жанынан табылады.
Республикалық волонтерлер орталығының өкілі Дархан Сұлтанның сөзінше, еріктілерді оқыту жұмыстары да ұмыт қалмаған. Тіпті халықаралық форумдарға да қатысып, түрлі тәжірибе жинайтын көрінеді.
2020 жылдан бастап республикалық фронт-офисте семинар-тренинг өткізіліп келе жатыр. Оған республика бойынша барлық фронт-офис мамандары қатысады. Кездесуде аймақтық волонтерлік офистердің жұмысын пысықтаймыз. Өткен жылды қорытындылап, жіберілген қателіктерді сараптаймыз. Қорытынды жұмыстардан кейін келер жылға жоспарлар құрастылады. Офистердің үкіметтік емес ұйымдармен ара-қатынасын талқылаймыз. Оған халықаралық деңгейдегі тренерлер келіп, өздерінің жаңа жобалары мен тың ақпараттарымен бөліседі. Бірегей бастамаларды аймақтарда жүзеге асыру бойынша өз ұсыныстарын білдіреді, - деді ол.
Сондай-ақ, жыл сайын волонтерлердің үздік жобалар жинағы шығады. Аймақтардан өте тиімді жобалар іріктеліп, жинақ кітапша ретінде жарық көреді. Қазіргі таңда бұл жұмыс жүйелі жүргізіліп жатыр. Жыл соңында жинақ шыққан соң республика бойынша таратылады.
Айта кетейік, фронт-офис – кеңес беру, оқыту, әдістемелік, ақпараттық орталық сияқты бірнеше қызметтерді атқарады. Фронт-офис қызметі республика бойынша волонтерлік жобаларды үйлестіру және қоғамдық мониторингілеу болып табылады.
![1-сыныпқа 270 мыңнан астам өтінім қабылданды](/img/articles/c79215703475954866feda5853de8cdc.jpg)
![Астана әуежайы жолаушыларға маңызды хабарлама жасады](/img/articles/73544903837190594cedcdc1f4be018f.png)
![Бизнес-идеяларды іске асыру үшін грант алуға өтінім қабылдау басталады](/img/articles/4d3b5b5192db9b758463326f62efea1f.jpg)
![Атырау облысында қарақұрт қаптап кетті](/img/articles/61262f719e8164f033c22f337548d6c1.jpg)
![Әуе компанияларының байланыс орталығы тәулік бойғы жұмыс режиміне көшті](/img/articles/49a9a9a9de3ceb9ccbacff57385966d4.jpg)
![Еңбек демалысын дұрыс жоспарлау: Маман ТОП-8 сұраққа жауап берді](/img/articles/1e52d85490758fd09502c4e41464847d.jpg)
![Қандастарды қабылдаудың өңірлік квотасы көбейеді](/img/articles/485e6c7017d5735551affc13dd5c6222.jpg)
![Ақтауда балабақшалардың бірінде 12 балаға 4-ақ тәрелке тамақ беріліп келген](/img/articles/521dbbaeb8397d44fb2b4809220cd939.webp)
![Бүгін ҮЕҰ-ға арналған сыйлықақы үшін өтінім қабылдау басталды](/img/articles/668817804f9c22c624180ff5518b78ca.jpg)
![Қырғызстанда қаза тапқан балалардың денелері Өскеменге арнайы бортпен жеткізілді](/img/articles/22dc3f2b94ec15ab0099df7b342f597d.jpeg)
![«Келешек» бағдарламасы: Балаға есепшотты қашан ашу керек?](/img/articles/529b59b614c141fefc4d2f3bf14ec0db.jpeg)
![Роман Скляр Ақтөбе облысындағы су тасқыны жағдайымен танысты](/img/articles/503331a18b750342f54edc9152e1a544.jpg)
![Ата-ана мен баланың арасындағы қарым-қатынас неге бұзылады](/img/articles/uploads/M_Qaq_Pc96_HOS_Tw3_Kfp_K61_DH_1_Dk_V4_Pjc_To_Kg1_I_Vh_Bo_jpg_width_1200_Xheight_auto_Xtype_1_1811cf51e9.jpg)
![Қазіргі таңда тұтас ел болып осы алпауыт апатпен күресіп жатыр- Аян Сәлімгерей](/img/articles/a4cd1694e8de78c3d0a0acda41fe3dfa.jpeg)
![2023 жылы Ораза қашан басталады](/img/articles/uploads/633ada224c5d0678507428_78f7824421.jpg)
![«Алтын белгі» алуға қойылатын талаптар күшейтілуі мүмкін](/img/articles/uploads/616ff04176bd9683684180_84dea5293b.jpg)
![Тойға қанша қаражат жұмсаймыз?](/img/articles/uploads/Whats_App_Image_2023_08_24_at_15_45_08_6d81d50650.jpeg)
![«Отау»: Жаңа тұрғын үй бағдарламасы арқылы кімдер баспана алады?](/img/articles/uploads/Whats_App_Image_2024_02_29_at_11_17_01_cdcebeeef0.jpeg)
![Елордада әлеуметтік қолдау мәселелері бойынша халықпен кездесу өтті](/img/articles/968227457805fc2cb35e3ae3076ae9d7.jpg)
![Шерзод Пулатов: Ассамблея – ұлт бірлігі мен ынтымағының тиімді жолбасшысы](/img/articles/86afd90d3edc2e03a928d313cc3c230a.jpg)