2028 жылдан кейін әйелдер зейнетке неше жастан бастап шығады – министр жауап берді

Журналистердің 2028 жылдан кейін әйелдер зейнетке неше жастан шығады деген сауалына журналистер Еңбек және халықты әлеуметтік қорғау министрі Тамара Дүйсенова жауап берді, деп хабарлады Elorda.info.

Оны 2028 жылдан кейін көреміз. Зейнет жасы өмір ұзақтығына, денсаулығына, зейнетақының мөлшеріне байланысты белгіленеді. 2028 жылға дейін осы мәселелер бойынша қараймыз. Ары қарай уақыт көрсетеді, - деді Дүйсенова елордада өтіп жатқан Әлемдік және дәстүрлі діндер лидерлерінің VII съезінің кулуарында.

Министрдің айтуынша, қазақстандық әйелдер 2023 жылдан бастап 61 жасында зейнетке шығады және бұл норма 2028 жылға дейін күшінде болады.

Президент тапсырмасынан кейін заң жобасына тиісті өзгерістер енгізіліп, Үкімет мүшелерімен келісілген. Енді құжат Мәжіліске өтетінің атап өтті.

Гүлжан Уалиева