Сүт өнімдері бір жылда 25%-ға қымбаттады

Тамыз айындағы деректерге сәйкес, елімізде 4,6 млн сиыр бар. Бұл бір жыл бұрынғыға қарағанда 5,9%-ға артық, деп хабарлады Elorda.info.

Energyprom.kz сарапшыларының мәліметінше, сиырлардың ең көп саны Түркістан облысында тіркелді: 609,4 мың, жылдық өсім — 10,7%. Одан әрі Абай және Батыс Қазақстан облыстары.

Соңғы 6 айда 3,8 млн тонна сүт алынды. Бұл өткен жылмен салыстырғанда 1,2%-ға артық. Бірінші жартыжылдықтың қорытындысы бойынша қазақстандық өндірушілер сүт өнімдеріне сұранысты 85%-ға қамтамасыз етіп, импорттаушыларға нарықтың 15%-ын қалдырды. Оның ішінде сұйық өңделген сүт пен кілегейге деген сұраныс отандық өндіріспен бірден 95,9%-ды, ірімшік пен сүзбе 53,7%-ды, қоюландырылған сүт пен кілегей бар болғаны 40,6%-ды құрады. Жергілікті компаниялар балмұздаққа деген сұранысты 78,4%, йогурттар мен ашытылған сүт пен кілегейге деген сұранысты 84,4% қамтыды.

Тамыз айының қорытындысы бойынша сүт өнімдерінің құны бір жылда 24,6%-ға өсті.  Өңірлер бөлінісінде бағаның жылдық өсуін Маңғыстау облысының (34,8%), Шымкент (28,6%) және Түркістан облысының (27,6%) тұрғындары қатты сезінді.