Мемлекеттік рәміздердің 30 жылдығы қарсаңында елордада ғылыми конференция өтті
![](/img/articles/uploads/629742168a0ff454525456_5541320add.jpg)
Конференция өскелең ұрпақтың еліміздің мемлекеттік рәміздерімізге құрметпен қарауын нығайтуды көздейді.
Кез келген ел үшін мемлекеттік рәміздер тәуелсіздікті айқындайтын атрибут қана емес, бұл терең әлеуметтік-мәдени және саяси түсініктер жүйесі. Олар тарихқа негізделіп, ұлттық жадты сақтап отырады. Мемлекеттік рәміздер – ел келбетінің құрамдас бөлігі, азаматтар патриотизмінің көрінісі, бүкіл қоғамды біріктіретін факторы, кез келген ұлт пен мемлекеттің болмысын қалыптастырудың құрамдас бөлігі. Мемлекет басшысы Қасым-Жомарт Тоқаев жариялаған Жаңа Қазақстанды құруда мемлекеттік рәміздердің бейнелік мазмұнын қайта қарау қажеттілігі өзекті болып отыр. Конференция барысында қоғамның әлеуметтік-мәдени қатынасының негізі ретіндегі саяси рәміздердің рөліне қатысты мәселелердің кең ауқымын талқылау күтілуде: жаһандану дәуіріндегі мемлекеттік идеология мен ұлттық идеяның маңызы; өскелең ұрпаққа патриоттық тәрбие беру және т.б., - деп Елбасы кітапханасының директоры Бақытжан Темірболат іс-шараны ашты.
Мәдениет және спорт вице-министрі Нұрғиса Дәуешов Мемлекеттік хатшы Ерлан Қариннің қатысушыларға жолдаған сөзін оқып берді.
Құрметті конференцияға қатысушылар! Биыл мемлекеттілігіміздің мәртебелі символы Мемлекеттік рәміздердің қабылданғанына 30 жыл! Отанды қастерлеу, туған елге деген шынайы құрмет – Мемлекеттік рәміздерді қадірлеуден басталады. Мемлекеттік рәміздер – елдіктің, егемендіктің басты нышаны, ұлттық рух пен қоғамдық келісімнің, сондай-ақ патриоттық тәрбиенің аса маңызды құралы. Көк байрағымыз көкте желбіреп, елтаңбамыз ел төрінде нық тұрып, әнұранымыз аспанда қалықтаса – ол мемлекет мерейінің үстем, мәртебесі биік екенін, халқымыздың бірлік пен берекеде өмір сүріп жатқанын айғақтайды. Бүгін өтіп отырған «Мемлекеттіліктің рәміздері» халықаралық ғылыми конференциясы осы іске елеулі үлес қосады деп сенеміз. Сіздерге шығармашылық табыс тілеймін. Еліміздің өсіп-өркендеуі жолындағы жасампаз жұмыстарыңыз жемісті болсын! – делінген Ерлан Қариннің сөзінде.
Ақпарат және қоғамдық даму вице-министрі Александр Данилов жастардың бастамаларын жүзеге асыруға мүмкіндік беруіміз керек екенін айтты.
Бүгін біз аса маңызды тақырыпты талқылап отырмыз, өйткені мемлекеттік рәміздер қазіргі жастар үшін олардың ұлтқа қатыстылығын кодификациялау тұрғысынан шешуші мәнге ие. Қазақстандықтардың қазіргі жас ұрпағы белсенді азаматтық ұстанымға ие және барлық деңгейдегі шешімдер қабылдауға қатысқысы келеді, олар өз дауыстарының естілуін қалайды. Ал біз олардың бастамаларын жүзеге асыруға мүмкіндік беруіміз керек. Осы мақсатта Президент жанындағы Жастар саясаты жөніндегі кеңес мүшелерімен, сондай-ақ азаматтық қоғам мен сарапшылық қоғамдастық өкілдерімен бірлесіп, Жастар саясатының жаңа тұжырымдамасы әзірленетін болады. Бұл тұжырымдама – жастар қозғалысының болашақ жаһандық бағытын мен көзқарасын айқындайтын құжат, - деді ол.
Мемлекеттік елтаңба авторы Жандарбек Мәлібековтің айтуынша, елтаңба, ту мен әнұранымыз әрбір ресми және бейресми іс-шарада қолданылу тиіс.
Ата-бабаларымыздың, барлықтарымыздың аттары елтаңбаның ішінде жазылған. Біздің елтаңбамыз – қадір қасиеті бар, мың жылдар бойы келе жатқан тарихымыз, рухымыз бен санамыз, дәстүрлеріміз бен ұлы даланың философиясын бойына сіңірген рәміз. Жаңа дәуірде, Жаңа Қазақстанда мемлекеттік рәміздерді насихаттаудың тың тәсілдерін қолдану кез келді. Менің ойымша, біздің елтаңба, ту мен әнұранымыз әрбір ресми және бейресми іс-шарада, жерде қолданылу тиіс. Сол кезде рәміздеріміз жастар арасында кеңінен тарайды, - деді Жандарбек Мәлібеков.
Іс-шара барысында Нұрсұлтан Назарбаев қоры атқарушы директорының орынбасары Әлкей Марғұланұлы, Қауіпсіздікті зерттеу жөніндегі Джордж Маршалл атындағы еуропалық орталықтың профессоры, Эмиритус университетінің профессоры Грегори Глисон (Нью-Мексико, АҚШ), Әзербайжан Республикасы Президенті Әкімшілігінің Саяси партиялар мен заң шығарушы билікпен байланыстар бөлімінің меңгерушісі, саяси ғылымдардың кандидаты Усубалиев Асиф Адилоглы, Л.Н. Гумилев атындағы Еуразия ұлттық университетінің әлеуметтік-мәдени даму жөніндегі проректоры Дихан Қамзабекұлы, М.Қозыбаев атындағы Солтүстік Қазақстан университетінің Инновация, интернационалдандыру және трансформация жөніндегі басқарма мүшесі, «Қазақстанның 100 жаңа есімі» жобасының жеңімпазы Дәмел Мектепбаева, т.б. баяндама оқыды.
Онлайн және оффлайн үлгіде өткен конференцияға 200-ге жуық адам қатысты. Олардың қатарында жоғарғы оқу орындарының профессорлары мен оқытушылары, орта оқу орындарының мұғалімдері, сарапшылар мен қоғам қайраткерлері, студенттер мен магистранттар бар.
Ғылыми конференцияның қорытындысы бойынша еліміздің мемлекеттік рәміздерімізді мемлекет ішінде және шекарадан тыс жүрген жастардың арасында насихаттаудың ұсыныстары әзірленді.
![1-сыныпқа 270 мыңнан астам өтінім қабылданды](/img/articles/c79215703475954866feda5853de8cdc.jpg)
![Астана әуежайы жолаушыларға маңызды хабарлама жасады](/img/articles/73544903837190594cedcdc1f4be018f.png)
![Бизнес-идеяларды іске асыру үшін грант алуға өтінім қабылдау басталады](/img/articles/4d3b5b5192db9b758463326f62efea1f.jpg)
![Атырау облысында қарақұрт қаптап кетті](/img/articles/61262f719e8164f033c22f337548d6c1.jpg)
![Әуе компанияларының байланыс орталығы тәулік бойғы жұмыс режиміне көшті](/img/articles/49a9a9a9de3ceb9ccbacff57385966d4.jpg)
![Еңбек демалысын дұрыс жоспарлау: Маман ТОП-8 сұраққа жауап берді](/img/articles/1e52d85490758fd09502c4e41464847d.jpg)
![Қандастарды қабылдаудың өңірлік квотасы көбейеді](/img/articles/485e6c7017d5735551affc13dd5c6222.jpg)
![Ақтауда балабақшалардың бірінде 12 балаға 4-ақ тәрелке тамақ беріліп келген](/img/articles/521dbbaeb8397d44fb2b4809220cd939.webp)
![Бүгін ҮЕҰ-ға арналған сыйлықақы үшін өтінім қабылдау басталды](/img/articles/668817804f9c22c624180ff5518b78ca.jpg)
![Қырғызстанда қаза тапқан балалардың денелері Өскеменге арнайы бортпен жеткізілді](/img/articles/22dc3f2b94ec15ab0099df7b342f597d.jpeg)
![«Келешек» бағдарламасы: Балаға есепшотты қашан ашу керек?](/img/articles/529b59b614c141fefc4d2f3bf14ec0db.jpeg)
![Роман Скляр Ақтөбе облысындағы су тасқыны жағдайымен танысты](/img/articles/503331a18b750342f54edc9152e1a544.jpg)
![Ата-ана мен баланың арасындағы қарым-қатынас неге бұзылады](/img/articles/uploads/M_Qaq_Pc96_HOS_Tw3_Kfp_K61_DH_1_Dk_V4_Pjc_To_Kg1_I_Vh_Bo_jpg_width_1200_Xheight_auto_Xtype_1_1811cf51e9.jpg)
![Қазіргі таңда тұтас ел болып осы алпауыт апатпен күресіп жатыр- Аян Сәлімгерей](/img/articles/a4cd1694e8de78c3d0a0acda41fe3dfa.jpeg)
![2023 жылы Ораза қашан басталады](/img/articles/uploads/633ada224c5d0678507428_78f7824421.jpg)
![«Алтын белгі» алуға қойылатын талаптар күшейтілуі мүмкін](/img/articles/uploads/616ff04176bd9683684180_84dea5293b.jpg)
![Тойға қанша қаражат жұмсаймыз?](/img/articles/uploads/Whats_App_Image_2023_08_24_at_15_45_08_6d81d50650.jpeg)
![«Отау»: Жаңа тұрғын үй бағдарламасы арқылы кімдер баспана алады?](/img/articles/uploads/Whats_App_Image_2024_02_29_at_11_17_01_cdcebeeef0.jpeg)
![Елордада әлеуметтік қолдау мәселелері бойынша халықпен кездесу өтті](/img/articles/968227457805fc2cb35e3ae3076ae9d7.jpg)
![Шерзод Пулатов: Ассамблея – ұлт бірлігі мен ынтымағының тиімді жолбасшысы](/img/articles/86afd90d3edc2e03a928d313cc3c230a.jpg)