«Бұл оқиғаны есімізден шығаруға хақымыз жоқ»: Тоғжанов студенттермен кездесті

Бүгін - ерекше күн. Бұл күнді біз 1997 жылдан бері «Саяси қуғын-сүргін және ашаршылық құрбандарын еске алу күні» ретінде атап өтеміз. Тарихқа көз жүгіртсек, үлкен жеңістер мен қуанышты күндер де болды. Ондай қиын сәттер тек Қазақстанда ғана емес, Совет үкіметіне қарасты көптеген елде – сол уақытта өмір сүрген халықтың барлығының басынан өткені өздеріңізге белгілі. Ең қиын кезең 1929-30 жылдармен тұспа-тұс келді. Әлбетте, бұл -  ашаршылықтың кезі. Бұл оқиғаны ешқашан да есімізден шығаруға біздің хақымыз жоқ, - деді Премьер-министрдің орынбасары.

Еске сала кетейік, Мемлекет басшысы Қасым-Жомарт Тоқаевтың Жарлығымен 2020 жылы «Саяси қуғын-сүргін құрбандарын толық ақтау жөніндегі мемлекеттік комиссия» құрылған болатын. Сол бойынша арнайы жұмыс тобы шамамен 30 мыңнан астам мұрағаттық құжаттың көшірмелерін жинаған.