Түркістанда 32 азамат кәсіп бастауға арналған мемлекеттік грант ұтып алды
![](/img/articles/uploads/61b17dc98a58b747020193_a4ab7a4d60.jpg)
Кәсіпорын директоры – Мөлдір Қайсарқызы. Сүт өнімдерін кәсіпке айналдырамын деген арманын жүзеге асыруды ойлап жүргеніне көп болған-ды. "Бизнестің жол картасы – 2025" бизнесті қолдау мен дамытудың мемлекеттік бағдарламасы шеңберінде жаңа бизнес-идеяларды іске асыру үшін мемлекеттік гранттар беру жобасына өз жобасын ұсынды. Тиісті қорғау жұмыстарынан соң бизнес-идеясы қолдау тауып, 5 миллион теңге мемлекеттік грантқа ие болды. Қажетті құрал-жабдықтарды сатып алып, негізгі жұмыстарға кірісіп кетті. Бүгінде аталған ағарған цехынан шыққан өнімдер Кентау қаласынан бөлек, облыс орталығы Түркістан қаласындағы дүкен сөрелерінде де тұр.
"Кәсіп бастап, бизнес саласында өзімді байқап көру ісі ойымда бұрыннан жүретін. Алайда, артық қаржының жоқтығы арманымды алыстата беретін. Енді, міне, бір кездері қол жетпеспей көрінген арман-мақсатымның қожайынымын. Бір емес бірнеше адамға жұмыс берушіге айналдым. Олардың отбасын асырап, жағдайын жақсартуына аз да болса септігімді тигізіп, себепші болып жүргеніме қуаныштымын. Әрі өз отбасымның жағдайы да жақсарып келеді. Мемлекетке де тиісті салығымды төлеп, жан-жақты пайдалы бола түсудемін", - дейді "Дарын" жауапкершілігі шектеулі серіктестігінің басшысы.
Түркістан облысында Мөлдір Жүніс секілді мемлекеттік қолдауға ие болып, қайтарымсыз грант ұтып алған кәсіпкерлер баршылық. Жыл басынан бері өңірде 32 азамат мемлекеттік грантқа ие болған. Осы жылдың он айында қайтарымсыз қаражат үшін ел бюджетінен 148 миллион теңге бөлініп, түркістандық бизнесмендердің кәсібінің аяқтан тұрып кетуіне себеп болуда.
Мемлекеттік қолдауға ие болып, қаражатқа қарық болған жобалар көбінесе, жеңіл өнеркәсіп, онлайн оқыту, зияткерлікті дамыту орталықтары, құрылыс, ауыл шаруашылығы, туризм және қызмет көрсету, тамақ өнімдері, денсаулық сақтау, жиһаз өндірісі сынды түрлі салаларды қамтиды.
Жалпы, "Бизнестің жол картасы - 2025" бағдарламасының грант мөлшері 2 миллион теңгеден 5 миллион теңгеге дейінгі аралықта. Бағдарлама операторы – облыстардың, қалалардың кәсіпкерлік және туризм басқармасы. Қатысушылар грантқа әр қаланың әкімдігі немесе әкімдік ашқан сайт арқылы өтінім жібере алады. Бағдарламаға шағын кәсіп иесі, оның ішінде кәсібін енді бастаушылар мен жас бизнесмендер, әйелдер, мүгедектігі бар азаматтар, 50 жастан асқан азаматтар қатыса алады. Бағдарлама шартына сай келетін әр кәсіпкер іріктеуге бір инновациялық бизнес-жоба ұсынуы керек. Бағдарламаның міндетті шарты – кәсіпкердің ұсынылатын мемлекеттік грант көлемінің кемінде 10% мөлшерінде оны жүзеге асыруға арналған шығынды бірлесіп қаржыландыруы. Бұл талап бойынша жобаға қатысатын жеке жылжымалы немесе жылжымайтын мүлік те ескеріледі. Бірақ шарт халықтың әлеуметтік әлсіз топтары үшін міндетті емес.
![1-сыныпқа 270 мыңнан астам өтінім қабылданды](/img/articles/c79215703475954866feda5853de8cdc.jpg)
![Астана әуежайы жолаушыларға маңызды хабарлама жасады](/img/articles/73544903837190594cedcdc1f4be018f.png)
![Бизнес-идеяларды іске асыру үшін грант алуға өтінім қабылдау басталады](/img/articles/4d3b5b5192db9b758463326f62efea1f.jpg)
![Атырау облысында қарақұрт қаптап кетті](/img/articles/61262f719e8164f033c22f337548d6c1.jpg)
![Әуе компанияларының байланыс орталығы тәулік бойғы жұмыс режиміне көшті](/img/articles/49a9a9a9de3ceb9ccbacff57385966d4.jpg)
![Еңбек демалысын дұрыс жоспарлау: Маман ТОП-8 сұраққа жауап берді](/img/articles/1e52d85490758fd09502c4e41464847d.jpg)
![Қандастарды қабылдаудың өңірлік квотасы көбейеді](/img/articles/485e6c7017d5735551affc13dd5c6222.jpg)
![Ақтауда балабақшалардың бірінде 12 балаға 4-ақ тәрелке тамақ беріліп келген](/img/articles/521dbbaeb8397d44fb2b4809220cd939.webp)
![Бүгін ҮЕҰ-ға арналған сыйлықақы үшін өтінім қабылдау басталды](/img/articles/668817804f9c22c624180ff5518b78ca.jpg)
![Қырғызстанда қаза тапқан балалардың денелері Өскеменге арнайы бортпен жеткізілді](/img/articles/22dc3f2b94ec15ab0099df7b342f597d.jpeg)
![«Келешек» бағдарламасы: Балаға есепшотты қашан ашу керек?](/img/articles/529b59b614c141fefc4d2f3bf14ec0db.jpeg)
![Роман Скляр Ақтөбе облысындағы су тасқыны жағдайымен танысты](/img/articles/503331a18b750342f54edc9152e1a544.jpg)
![Ата-ана мен баланың арасындағы қарым-қатынас неге бұзылады](/img/articles/uploads/M_Qaq_Pc96_HOS_Tw3_Kfp_K61_DH_1_Dk_V4_Pjc_To_Kg1_I_Vh_Bo_jpg_width_1200_Xheight_auto_Xtype_1_1811cf51e9.jpg)
![Қазіргі таңда тұтас ел болып осы алпауыт апатпен күресіп жатыр- Аян Сәлімгерей](/img/articles/a4cd1694e8de78c3d0a0acda41fe3dfa.jpeg)
![2023 жылы Ораза қашан басталады](/img/articles/uploads/633ada224c5d0678507428_78f7824421.jpg)
![«Алтын белгі» алуға қойылатын талаптар күшейтілуі мүмкін](/img/articles/uploads/616ff04176bd9683684180_84dea5293b.jpg)
![Тойға қанша қаражат жұмсаймыз?](/img/articles/uploads/Whats_App_Image_2023_08_24_at_15_45_08_6d81d50650.jpeg)
![«Отау»: Жаңа тұрғын үй бағдарламасы арқылы кімдер баспана алады?](/img/articles/uploads/Whats_App_Image_2024_02_29_at_11_17_01_cdcebeeef0.jpeg)
![Елордада әлеуметтік қолдау мәселелері бойынша халықпен кездесу өтті](/img/articles/968227457805fc2cb35e3ae3076ae9d7.jpg)
![Шерзод Пулатов: Ассамблея – ұлт бірлігі мен ынтымағының тиімді жолбасшысы](/img/articles/86afd90d3edc2e03a928d313cc3c230a.jpg)