Павлодарлық полицейлер 7 жасар қызды іздестіріп жатыр

Екібастұз қаласының полициясына қыздың жоғалғаны туралы арыз 17 қарашада сағат 21:15-те келіп түскен, деп хабарлады Elorda.info polisia.kz-ке сілтеме жасап. 

Дереу дабыл бойынша полицияның жеке құрамы көтерілді, баланың жоғалып кетуі туралы ақпарат жергілікті чаттар арқылы таратылды, іздеуге Vita еріктілері мен бей-жай қарамайтын азаматтар қосылды. 

Полиция сағат 16:00 шамасында 39 жастағы әйел үш баласымен демалыс күндері ауылдан 15 шақырым жерде орналасқан шаруа қожалығындағы жұбайына баруға шешім қабылдағанын анықтады. Қызы Милана сонда барудан бас тартып, үйден шығып кеткен. Ауыл тұрғындары қызды ауылдан 1,5 шақырым қашықтықта орналасқан бөлімшеде көрген. 

Полиция осы факті бойынша қандай да бір ақпарат болса, 102 телефоны бойынша хабарлауды сұрайды. 

Давыдова Милана, 2015 жылы туған, Қоянды ауылдық округінің Бесқау ауылындағы мектептің 3 сынып оқушысы. Бойы 128-130 см, арық дене бітімі, көздері қоңыр, шаштары ақшыл. Үстінде сары күрте, ашық жасыл түсті трико, сұр түсті куртка, қара етік, - делінген хабарламада.