Астана маңында қарасора өсіретін жасырын зертхана табылды

Астаналық полицейлер жедел іздестіру іс-шараларын өткізу кезінде жабайы қарасора өсірумен айналысқан 49, 48 және 47 жастағы қаланың үш тұрғынын ұстады, деп хабарлады Elorda.info. 

Жеке үйде тұратын ер адамдардың бірін тінту кезінде үйдің моншасынан 6 түп кендір мен құмыраларда өсірген 26 түп бұтаны тапты. 

Сондай-ақ жабдықтар табылды: өсімдіктерге арналған желдеткіштер, температура шамдары, құрғақ және сұйық тыңайтқыштар. Тергеу барысында бұл жігіттердің Көктал көлінің маңындағы балық аулау бекетінде жұмыс істегені анықталды. Кендір бұталары бар құмыраларды тасымалдап, фермадағы жерасты зертханасында өсірілген. 

Станцияны тінту барысында құмыраларға салынған 55 түп кендір, есірткі заты бар 9 дана полиэтилен байламдары табылып, тәркіленді. 

Қазіргі уақытта ұсталған ер адамдар уақытша ұстау изоляторына қамалды. 

Оларға қатысты ҚР ҚК-нің 296-бабының 3-бөлігі (Есірткі, психотроптық заттармен, сол тектестермен өткізу мақсатынсыз заңсыз жұмыс істеу) бойынша айып тағылды. 

Полиция департаменті қала тұрғындарын есірткінің заңсыз айналымы деректері туралы белгілі болған жағдайда Астана қаласы ПД есірткі қылмысына қарсы күрес басқармасының анонимді сенім телефондарына: 71 -63-93, 71-62-60 немесе тәулік бойы “102” арнасына хабарласуды ескертеді.