Елордада екі жеңіл көлік пен автобус соқтығысып, көлік жүргізушілердің бірі оқиға орнында қаза тапты, деп хабарлады Elorda.info.
Қалалық ПД өкілдерінің айтуынша, оқиға 20 наурыз күні сағат 20:30-да Қошқарбаев пен Жұмабаев көшелерінің қиылысында болған.
Үш көліктің – Toyota, Audi және Iveco автобусы соқтығысып, жол-көлік оқиғасы болды. Салдарынан Toyota көлігінің жүргізушісі оқиға орнында қаза тапты. Бұл дерек бойынша соталды тергеу амалдары басталды, - деп мәлімдеді Полиция департаментінің баспасөз қызметі.
Елордалық Полиция департаментінің өкілдері жолда барынша сақ болып, жол қозғалысы ережелерін қатаң сақтауды сұрайды.