Іздеу 
қаз
Футзалдан ЕУРО-2022: жеребе рәсімін қайдан көруге болады
Елорда ақпарат 
37 
Турнирде алғаш рет 12 емес, 16 ұлттық құрама бақ сынайды. Сонымен қатар, Еуро енді екі жылда емес, әр төрт жыл сайын өткізіледі.
Барлық қатысушылар УЕФА -ның ерлер арасындағы футзал рейтингі бойынша белгіленді. Қазақстан бірінші қоржынға түсті, онда рейтингі жоғары командалар, оның ішінде қазіргі әлем чемпионы – Португалия бар.
«Qazsport» телеарнасы футзалдан 2022 жылғы УЕФА Еуропа чемпионатының жеребе тарту рәсімін тікелей эфирде көрсетеді.
Шара Нұр-Сұлтан уақытымен 22:00-де басталады.
Нидерланды құрамасы турнирдің қожайыны ретінде Еуро-2022 финалына тікелей жолдама алды. Басқа қатысушы елдер – Әзірбайжан, Босния және Герцеговина, Хорватия, Финляндия, Грузия, Италия, Польша, Ресей, Словакия, Словения, Испания және Украина. Соңғы жолдаманы Сербия мен Беларусь 14-17 қараша аралығында сарапқа салады.
Әр топтан үздік шыққан екі команда ширек финалға өтеді. UEFA EURO-2022 додасы 19 қаңтар мен 6 ақпан аралығында Нидерландтың Амстердам және Гронинген қалаларында өтеді.
