Жеңіс Қасымбек су тасқынына қарсы жүргізіліп жатқан жұмыстар туралы айтты

Астана әкімі Жеңіс Қасымбек Instagram желісіндегі парақшасында су тасқынының алдын алу бағытында атқарып жатқан жұмыстар туралы баяндады,  деп хабарлады Elorda.info.

Қала әкімінің айтуынша, су тасқынына қарсы жұмыс белсенді жүріп жатыр. Коммуналдық қызметтер 7 млн 100 мың текше метрден астам қар шығарды, бұл өткен қыс мезгілінің сәйкес кезеңімен салыстырғанда 2 млн текше метрге артық. Өткен жылдармен салыстырғанда су тасқыны қаупі бар учаскелердің саны 20-ға дейін азайды.

Қазіргі уақытта арық-науа желісінің ұзындығы 61 мың 600 метрден астамы тазартылды, 14 мың метрден астам коллектор жуылды, ұзындығы 9 мың 400  метрден астам құбыр, 4 мың дана бақылау, жаңбыр қабылдау құдығы және т.б. буландырылды. Сондай-ақ, нөсерлі кәріз жүйелеріне заңсыз кірме жолдарды анықтау бойынша және т.б. жұмыстар жүргізіліп жатыр, - деді Жеңіс Қасымбек.

Сонымен қатар елорда әкімі Астана контррегуляторы мен Есіл өзенінің арнасын қайта жаңарту учаскелері тексерілгенін айтты.

Қорғаныс құрылымының жалпы көлемі 450 миллион текше метрден асады, қазіргі уақытта нысанның толтырылу көрсеткіші шамамен 48 миллион текше метрді құрайды. Су деңгейін тұрақтандыру мақсатында нысаннан 10 м3/с көлемінде су ағызылады.

Сонымен бірге, Есіл өзенінің акваториясының деңгейін реттеу және қаланың орталық бөлігінде су көлігі қатынасын қамтамасыз ету мақсатында Есіл өзенінің арнасын қалпына келтіру жүргізіліп жатыр. Бұл жұмыстың бәрі жалғасуда. Азаматтық қорғау органдары, коммуналдық қызметтер және т.б тұрақты дайындықта.Сол сияқты Ақмола облысында су тасқынына қарсы іс-шараларды өткізу мақсатында 100-ден астам жүк және мамандандырылған техника бөлінді, - деді ол.