Елордалық Антикор мемлекеттік сатып алуға бөлінген 2,2 млрд теңгені үнемдеді

Бүгін «Достық үйі» алаңында мемлекеттік органдардың бизнес өкілдерімен кездесуі өтті, деп хабарлады Elorda.info.

Іс-шараға Қаржы министрлігі Мемлекеттік сатып алу заңнамасы департаменті директорының орынбасары Сейілхан Исмагулов, елордалық Сыбайлас жемқорлыққа қарсы қызмет департаментінің басшысы Мұрат Қарымсақов, Астана қаласы әкімінің орынбасары Ерлан Бекмурзаев және Астана қаласы Ішкі мемлекеттік аудит департаментінің басшысы Алмас Тәукетаев қатысты.

Кездесу бизнес өкілдерінің қатысуымен сыбайлас жемқорлық қылмыстардың алдын алу, сондай-ақ қоғамда сыбайлас жемқорлыққа қарсы мәдениетті қалыптастыру мақсатында ұйымдастырылды.

Ерлан Бекмурзаев қалада 191 мың ШОБ субъектісі жұмыс істейтінін, оның ішінде экономикалық белсенді халықтың 68%-ы елордадағы бизнес-ахуалды жақсарту мәселелері ерекше өзекті екенін, өйткені біздің қала экономикасының жартысынан көбі-дәл кәсіпкерлер қалыптастыратындықтан, біз бейінді ведомствомен Мемлекеттік сатып алу процестерін оңтайландыру мәселелерін тұрақты негізде пысықтайтынымызды хабарлады.

Өз кезегінде, елордалық Сыбайлас жемқорлыққа қарсы іс-қимыл департаментінің басшысы Мұрат Қарымсақов бизнес өкілдерін қылмыстық қудалау орбитасына тарту мәселелері ерекше бақылауда екенін атап өтті: «бүгінгі таңда кәсіпкерлікпен байланысты барлық іс жүргізу әрекеттері міндетті түрде прокуратура органдарымен және орталық аппаратпен келісіледі. Осылайша, біз кәсіпкерлерге негізсіз айып тағу қаупін жойдық».

Сыбайлас жемқорлыққа қарсы қызмет өкілдері мемлекеттік сатып алу рәсімдерінде сыбайлас жемқорлық тәуекелдерінің бар екендігіне жеке тұлғалардың мүдделерін лоббилеуге және мемлекеттік органдар мен ұйымдар сатып алатын тауарларға жұмыстарға және көрсетілетін қызметтерге бағалардың жоғарылауына назар аударды. Ағымдағы жылдың 9 айында ғана алдын алу шараларымен мемлекеттік органдардың жоспарланған шығындарын 2,2 млрд теңге көлемінде үнемдеу қамтамасыз етілді.

Елордалық Сыбайлас жемқорлыққа қарсы қызмет департаментінің бірінші орынбасары Ілияс Базилов атап өткендей «біз мемлекеттік сатып алу сайтына жоғары бағалардың болуына тұрақты негізде мониторинг жүргіземіз. Мемлекеттік органдардың нарықтық бағасы мен жоспарланған шығындары сәйкес келмеген жағдайда бюджеттік бағдарлама әкімшісінің атына мемлекеттік сатып алу жоспарларын қайта қарау бойынша ұсынымдар жіберіледі».

Сыбайлас жемқорлыққа қарсы қызмет ай сайын бизнес өкілдерімен кездесулер өткізеді. Аталған іс-шараларда өңірдегі бизнес-ахуалды жақсарту мәселелері талқыланады.