Бүгін ауа райы қандай болады

Синоптиктер Қазақстанда 2023 жылдың 18 наурызына арналған ауа райы болжамын ұсынды, деп хабарлады Elorda.info. 

«Қазгидромет» РМК ұсынған мәлімет бойынша, антициклонның әсерінен еліміздің басым бөлігінде ауа райы жауын-шашынсыз болады.

Атмосфералық фронтальды бөліктердің өтуімен Қазақстанның солтүстігінде, оңтүстік-шығысында, шығысында және орталығында жауын-шашын (жаңбыр, қар) пен көктайғақ болжанды, - дейді синоптиктер.

Республика бойынша тұман түсіп, жел күшейеді, республиканың оңтүстік-батысында шаңды дауыл тұрады.

Астанада көшпелі бұлт шығады, жауын-шашынсыз. Оңтүстік-батыстан 2-7 м/с жел соғады. Ауа температурасы -11-13°С, күндіз 0+2°С.

Алматыда күн бұлтты, әлсіл-әлсін жауын-шашын (жаңбыр, қар) жауып, тұман түседі. Желдің екпіні 2-7 м/с болады. Ауа температурасы түнде -1-3°С, күндіз 0+2°С.

Шымкентте көшпелі бұлт шығады, жауын-шашынсыз. Шығыстан соғатын желдің күші 8-13, екпіні 15-20 м/с. Ауа температурасы түнде +4+6°С, күндіз +18+20°С.