Енді Отбасы банктегі депозитті туыстардың атына онлайн аударуға болады

Отбасы банк клиенттері енді банктің мобильді қосымшасы арқылы жақын туыстарына өз депозиттерін аудара алады, деп хабарлады Elorda.info.

Енді «Otbasy bank» қосымшасында депозитті тағайындау 5-10 минутты алады. Бұл қызметті онлайн режимде туыстардың келесі санаттары пайдалана алады: жұбайы (әйелі), ата-аналар (ата-ана), балалары, ағалары мен әпкелері (ата-анасы бір және ата-анасы бөлек). Табыстауды тек Отбасы банкінде 01.11.2016 жылдан кейін ашылған депозиттерге ғана рәсімдеуге болады. Депозит 01.11.2016 жылға дейін ашылған болса, табыстау қызметін қолдану үшін банк бөлімшесіне бару қажет, - делінген банк хабарламасында.

Сондай-ақ, шот бойынша кемінде 50 АЕК (2022 жылы бұл – 159 000 теңге) көлемінде жинақ болуы шарт.

«Otbasy bank» мобильді қосымшасы арқылы табыстау қызметін келесі тұлғалар қолдана алмайды:

1. Ата, әже, немере, нағашы апалар мен әжелер, немере ағалар, жиендер, ортақ туыстары бар үшінші тұлғалар. Олар депозитті табыстау қызметін қолдану үшін банк бөлімшесіне келулері қажет;

2. Сенімгерлер, кепілгерлер, қамқоршылар. Олар да депозитті табыстау қызметін қолдану үшін банк бөлімшесіне келулері қажет;

3. Уәкілетті мемлекеттік органдардың және жауапты лауазымды тұлғалардың шешімдері немесе өкімдерімен, шоттағы шығыс операцияларын тоқтатылған, үшінші тұлғалардың талабымен шоттан ақшаны алу туралы шешімдері немесе өкімдері бар, шоттағы қаражаты бұғатталған банк клиенттері;

4. Салықтық, әлеуметтiк төлемдер бойынша берешегі бар, сондай-ақ әрекетсіз салық төлеушi ретiнде танылған клиенттер;

5. Резидент еместер (шетелдіктер, азаматтығы жоқ адамдар).

Депозитті тегін онлайн тағайындау жұмыс күндері Астана уақыты бойынша сағат 9.00-ден 17.00-ге дейін қолжетімді.