Отбасы күніне орай елордалық ТЖД қызметкерлері сайысқа түсті

Отбасы күніне орай Астана қаласы ТЖД бөлімшелері арасында волейболдан отбасылық жарыс өтті, деп хабарлады Elorda.info.

Жарысқа 14 отбасы қатысты. Ойын басында жеребе бойынша 4 команда анықталып, әр команданың капитандары мен команда атаулары белгілі болды.

Сайыс қорытындысы бойынша бірінші орынды Батхиденовтердің, Ахметқалиевтердің және Аманжоловтардың отбасыларынан құралған «Құтқарушы» командасы, екінші орынды Палевичтардың, Әділбековтердің және Қазыбековтердің отбасынан құралған «Жалын» командасы және үшінші орынды Арыновтардың, Советжановтардың, Раманқұловтардың отбасынан құралған «Жеңіс» командасы иеленді. Төрінші орынды Шалхабановтар, Серікбаевтар, Медиевтер, Жалеловтер, Пердебековтер отбасыларынан құралған «Балапан» командасы иеленді.

Жеңімпаздар мен жүлдегерлер дипломдармен және сыйлықтармен марапатталды.