«Қайрат» футзал клубын испандық маман баптайды

Отандық футзалдың көшбасшысы «Қайрат» клубына жаңа бапкер тағайындалды, деп хабарлады Elorda.info. 

36 жастағы Испания бапкері Марлон Веласко «Қайрат» клубымен 2+1 келісімшартын жасасты. 

Бұған дейін Марлон Веласко 2018 жылдан бастап «Ноя Портус Апостоли» (Испания) клубын баптаған болатын. 5 жыл аралығында 2 дивизионда 2 мәрте чемпион атанып, биыл басты лигада 8-орын алды. Плей-оффта чемпиондар лигасының жеңімпазы «Пальма де Мальорка» клубымен жолығып, жеңіліп қалды. 

Бұған дейін Бразилия маманы Рикардо Кака 5 жыл бойы «Қайратты» тізгіндеген еді. Сол уақыт аралығында клуб біршама жетістікке жетті:

- Қазақстанның 5 дүркін чемпионы;

- Қазақстан кубогының 4 дүркін чемпионы; 

- Қазақстан супер кубогының 4 дүркін чемпионы;

- 2018/19 маусымда чемпиондар лигасының финалында ойнады. 

Қайрат — Спортинг (Португалия) 1:2;

- 2020/21 маусымда чемпиондар лигасының жартылай финалында ойнады. 

Қайрат — Барселона (Испания) 2:3.