Іздеу 
қаз
12 мыңға жуық дене шынықтыру мұғалімі біліктілікті арттыру курстарынан өтеді
Елорда ақпарат 
27 
Биыл 12 мыңға жуық дене шынықтыру мұғалімі біліктілікті арттыру курстарынан өтеді, деп хабарлады Elorda.info Министрліктің баспасөз қызметіне сілтеме жасап.
Жыл басынан дене шынықтыру пәнінің мыңға жуық мұғалімі біліктілігін арттыру курстарынан өтті. Бұл туралы ҚР Оқу-ағарту министрлігінің Ұлттық ғылыми-практикалық дене тәрбиесі орталығы мәлімдеді.
Білім беру бағдарламасы нормативтік-құқықтық және психологиялық-педагогикалық бағыттарды, білім сапасын арттыру жағдайында білім беру мазмұны мен әдістерін жетілдіруді, дене шынықтыруды оқытудың заманауи технологиялары және ерекше білім беруді қажет ететін оқушылардың дене тәрбиесін қамтиды.
Ұлттық ғылыми-практикалық дене тәрбиесі орталығының бас директоры Сағдат Садықовтың айтуынша, орталықтың лекторлар құрамы қалыптасқан. Тыңдаушылар сауалнамасын зерттеуден соң биылдан бастап оқу бағдарламасына өзгерістер енгізілген. Оған ерекше білім беруді қажет ететін балалармен жұмыс істеу тақырыптары және ұлттық спорт түрлері бойынша оқытудың заманауи әдістері қосылды.
Дене шынықтыру пәні мұғалімдерінің кәсіби құзыреттілігін арттыру үшін оқытудың жаңа әдістері енгізілген бағдарлама дайындалды. Биыл орта білім беру ұйымдарының 12 мыңға жуық дене шынықтыру пәнінің мұғалімі бюджеттік негізде кәсіби біліктілігін арттырады, - деді ҰҒПДТО бас директоры Сағдат Садықов.
