Қазақстанда Алматыны қолдауға арналған музыкалық челлендж басталды

Ақмола облысының этномәдени бірлестіктері республика азаматтарын осы қиын кезеңде Алматы тұрғындарын қолдау үшін бүкілхалықтық челленджге қатысуға шақырды.

Акцияның мақсаты - радикалды тонаушылар шабуылының құрбаны болған Алматы қаласы тұрғындарына қолдау көрсету.

Осы қиын уақытта барлығымыздың бірігіп, Алматы тұрғындарын қолдауымыз өте маңызды. Бізді мыңдаған шақырым бөліп тұрса да, біз қоғамға шын жүректен олармен бірге екендігімізді және әрқашан көмек беруге дайын екендігімізді көрсеткіміз келеді. Сол себепті Ақмола облыстық Қазақстан халқы Ассамблеясының атынан Алматы қаласын қолдау туралы челленджін жариялаймыз, – деп мәлімдеді ұйымдастырушылар.

Челлендж аясында әрбір тілек білдіруші Алматы туралы әннің бейнежазбасын жазып, оны әлеуметтік желілерде #КүшімізБірлікте және #СилавЕдинстве хэштегтерімен орналастыра алады.

Қазіргі уақытта акцияны Ақтөбе және Павлодар облыстарының Қазақстан халқы Ассамблеясы өкілдері, сондай-ақ Алматы қаласының «Ассамблея жастары» қоғамдық бірлестігінің белсенділері қолдады.