Парадзюдодан әлем чемпионатының бірінші күнінде ел қоржынына 4 медаль түсті

Бакуде өткен пара дзюдодан әлем чемпионатының бірінші күнінде Қазақстан қоржынына 2 «алтын» және 2 «қола» медаль түсті, деп хабарлады Elorda.info.   

Елімізге алғашқы алтынды J-2 -48 кг салмақ дәрежесінде өнер көрсеткен елордалық Ақмарал Науатбек сыйлады. Ақмарал финалда Францияның спортшысы Ауриерес Мартинет Сандринді иппонмен жеңіп, бірінші орыннан көрінді. Ал 73 келіге дейінгі салмақ дәрежесінде сынға түскен едордалық спортшы Ерғали Шамей финалдық белдесуде неміс спортшысы Сасс Леннартті 1:0 ұпаймен жеңіп, екінші алтын медальға қол жеткізді.

Әлем чемпионатының қола жүлделері Даяна Федосова ( -57 кг) мен Олжас Оразалыұлына (-73 кг) бұйырды.

Айта кетейік, пара дзюдодан әлем чемпионаты Бакуде 11 қарашаға дейін жалғасады. Жарыста 41 мемлекеттен 300-ден астам спортшы сынға түсуде. Байрақты бәсекеде Қазақстан ұлттық құрамасынан 18 спортшы ел намысын қорғайды.