Елордада «Алтын күн» балалар фестивалі өтті

Астанада «Алтын күн» патриоттық әндерінен VI балалар фестивалі өтті, деп хабарлады Elorda.info.

Фестиваль жыл сайын қалалық Қазақстан халқы Ассамблеясының қолдауымен өткізіледі. Онда балалар шығармашылық нөмірлермен өнер көрсетті.

Фестивальге Қазақстан халқы Ассамблеясының шығармашылық ұжымдарының балалары мен «Бақытты шаңырақ» қорының ерекше қажеттіліктері бар балалары қатысты. Қатысушыларды бағалау бірнеше критерий бойынша жүргізілді, оның ішінде сахналық сөйлеу, костюм, мінез-құлық және дауыстық деректер, - деді Достық үйінің халық шығармашылығы бөлімінің бас маманы Замзагүл Сағиева.

«Алтын күн» – бұл қатысушыларға өздерінің шығармашылық әлеуетін ашуға көмектесетін ерекше жоба.

Мен Корей мәдени орталығының атынан сөз сөйледім. Мұғалімнің ұсынысы бойынша қатыстым. Еркін Тұрсынханның «Самға» әнін орындадым, ол біздің елімізге деген патриотизм мен сүйіспеншілікті ерекше жеткізеді. Байқауға дайындық еш қиындықсыз өтті, өйткені Отан, отбасы туралы әндердің орыдалуы жеңіл, - деді фестиваль қатысушысы Анастасия Пак.

Байқауға қатысушылардың өнерлерін Шабыт университетінің Вокал өнері кафедрасының меңгерушісі Гүлнәр Хамзина, опера әншісі Әсем Сембина, «Наз» би театрының көркемдік жетекшісі Еркебұлан Ағымбаев, музыка мектебінің директоры Сергей Изунков бағалады.

Байқау үш жас санаты бойынша өткізілді: 6-10 жас, 11-13 жас және 14-16 жас. Жеңімпаздар бағалы сыйлықтармен марапатталды. Сондай-ақ қатысушылар марапаттау сыйлықтары мен лаурет дипломдарын алды.