Елордаға 30-ға жуық қысқы арнайы техника мен жабдық жеткізіледі

Бұл туралы Астана қаласының әкімі Жеңіс Қасымбек өзінің Instagram парақшасында жазды, деп хабарлады Elorda.info.

Техниканың қысқы кезеңге дайындығын тексердім. Коммуналдық қызметтер паркін жаңарту бойынша тұрақты негізде жұмыс істейміз. Мәселен, алдағы айларда тағы 30-ға жуық қысқы арнайы техника мен жабдық жеткізіледі.

Коммуналдық қызметкерлер күндіз де, түнде де, кез келген ауа райында жұмыс істейді. Олардың қиын әрі жауапты жұмысының арқасында қаламызда тазалық пен тәртіп сақталады.

Коммуналдық қызметкерлерге сыйақы беріледі, сондай-ақ «Астана Тазалық» ЖШС олардың жалақысын көтеру мәселесін пысықтап жатыр.

Коммуналдық қызмет мамандарына еңбегі үшін алғыс білдіремін! Сіздердің жұмыс істеулеріңізге қолайлы жағдай жасауды ары қарай жалғастырамыз,- деп жазды қала әкімі.