Елордада балаларды атпен серуендету кәсіпкерлікке жата ма – Басқарма басшысы жауап берді (ВИДЕО)

Велосипедтерді, балалар көліктерін жалға алу қызметі бойынша саябақтарда рұқсат алу үшін саябақ әкімшілігіне немесе аудан әкімдіктеріне хабарласу қажет. Ал егер қала алаңдарына орнату қажет болса, «1000 орын – көше саудасы» бағдарламасы шеңберінде жүзеге асыруға болады.

Сонымен қатар Bal Qaragay, Құлагер, Тұлпар, Алтын қырғауыл, Алтын тұлпар, Jansaya Resort сынды демалыс орындарында жыл бойы атпен серуендеу орталығы жұмыс істейді (https://sxodim.com/astana/article/gde-pokatatsya-na-loshadyah-v-astane), – деді басқарма басшысы.

Ержан Балтаевтың айтуынша, қаладағы Жасыл белдеу аумағында ат спорты кешенінің құрылысы аяқталды. «Туристік маршрут» деп аталатын жаңа нысан да қала тұрғындары мен қонақтары үшін тағы бір тартымды орын болады. Енді кез келген тұрғын қала маңындағы жасыл белдеуде атпен жүре алады. Қала әкімдігінің бастамасымен орман аумағында жалпы ұзындығы 13,2 шақырым болатын атпен серуендеуге арналған соқпақ пайдалануға берілген.