Астанада неміс мәдениетіне арналған фестиваль өтіп жатыр

Е.Рахмадиев атындағы Мемлекеттік академиялық филармония ғимаратының алдындағы алаңда неміс мәдениетіне арналған «Wir sind zusammen» ХІ республикалық фестивалі өтіп жатыр, деп хабарлады Elorda.info.

Фестивальде мастер-класстар мен көрмелер, концерттер, қызықты квестер, флешмобтар, көңілді конкурстар және тағы басқалар ұйымдастырылды.

Астана мен республика өңірлерінен келген шығармашылық ұжымдар концерттік бағдарлама қойды.

Фестивальдің салтанатты ашылуына Сенат депутаты Евгений Болгерт, Германияның Астанадағы елшілігінің өкілі Цилликенс Клаус, Қазақстан халқы Ассамблеясы төрағасының орынбасары Марат Әзілханов пен Астана қаласы әкімінің орынбасары Есет Байкен және Астана қаласы Ішкі саясат басқармасының басшысы Дәурен Бабамұратов қатысты.

Осы шуақты күнде неміс мәдениетінің жазғы республикалық фестивалі өтіп жатыр. Қонақтар еліміздің түкпір-түкпірінен және өңірлерден келді. Фестивальде жәрмеңке, көрме, шеберлік сыныптары мен экскурсиялар ұйымдастырылды. Неміс тағамдары, қолөнер, неміс үйінің интерьері, неміс тілінің салондары, фольклор, маусымдық мерекелер көрсетілді, - деді ҚХА хатшылығы Астана қаласының қызметкері Гүлнар Ноянқызы.