Елордадағы аулаларда қылмыс 53%-ға азайды

"Қауіпсіз қала" жобасы аясында қалада қоғамдық кеңістіктер мен аулаларда 1 500 камера орнатылды. Ботагөз Қасабектің айтуынша, жыл соңына дейін тағы 500 камера орнатылады. 

"Қауіпсіз қала" жобасына жол-көлік қозғалысын реттеу, қоғамдық бейнебақылау камералары, денсаулық сақтау, білім беру нысандарындағы камералар, сондай-ақ аналитикаға арналған жүйелер кіреді. Біріншіден, бұл тұрғындар мен мүліктің қауіпсіздігі үшін қажет. Қоғамдық кеңістіктер мен аулаларға 1500 камера қойдық, соның арқасында қылмыс 53%-ға төмендеді. Жыл соңына дейін қоғамдық кеңістіктерде тағы 500 камера орналастыруды жоспарлап отырмыз”, – деді ол.

Сонымен қатар, келесі жылы қала бойынша 7 500-ден астам камера орнату жоспарлануда. Б.Қасабектің айтуынша, әр азаматқа стандарт бойынша шамамен 15 камера керек. Бүгінде қала бойынша 24 мыңнан астам камера орнатылған.

Ботагөз Қасабекпен болған сұхбаттың толық нұсқасын мына жерден көруге болады.