Ер-азаматты сыйламайтын әйелдер бар – Алтынай Жорабаева

Белгілі әнші өзінің әлеуметтік желідегі парақшасында қыз тәрбиесіне қатысты пікірін жазды, деп хабарлады Elorda.info.

Неге, «Қыз сыны» Неге? «Жігіт сұлтаны?» Әу бастан, қыз баласын сынға алып, бәрін әйел адамнан талап ету, бүкіл жауапкершілікті әйел адамға артып қоюды қанға сіңіріп, ойға түйіп тастаған сияқты ма, қалай өзі? Қыз нәзік, қыздың жолы жіңішке, қызға қырық үйден тыйым дейді де, қыздың қырық жаны бар деп қоятынымыз қалай?

Былай қарасаң, нәзік, әлсіз деген сияқты айтып келіп, бірақ сол «әлсіз жаратылысқа» үстемдік жасап, әлсізге әлімжеттік көрсетіп, бірақ қайтадан бүкіл үйдің тірлігін, бүкіл жауапкершілікті, яғни күйеуі ішіп кетсе, құмар ойын ойнап кетсе, ішіп келіп ұрса, жүріс жүрсе, әйел үнін шығармай, көніп, бала-шағаны бағып, үйдің шаруасын жасап жүруді талап етуді қалай түсінуге болады? – деді әнші.

Сондай-ақ ол ер-азаматты сыйламайтын әйелдер де барын айтты.

Нағыз ер-азаматты сыйламайтын, тапқан табысының берекесін қашырып отыратын әйелдер де бар!  Мынау еркектің, мынау әйелдің жұмысы деп бөлмей, кішкентайынан ұлды да, қызды да үй шаруасына, дала шаруасына баулып тәрбиелегенде, әйел еріне, ері әйеліне көмектесіп, түсіністікпен өмір сүріп, берекелі отбасы болады деп ойлаймын. Менің оқырмандарымның ойы қалай екен? - деді Алтынай Жорабаева.