Нұртілеу Иманғалиұлының жеке заттары музейге беріледі

Алматы музейінде белгілі қоғам қайраткері, тележурналист Нұртілеу Иманғалиұлын еске алу мен қазақ телевидениесінің 65 жылдығына арналған "Бай-қуатты болайық!" атты мұражайға тарту ету акциясы өтеді, деп хабарлады Elorda.info.

Inbusiness.kz жазуынша, мұражайға Нұртілеу Иманғалиұлының барлық жеке заттары, құжаттары, кітаптар мен марапаттары сыйға беріледі.

Қазақ телевизиясы тарихы 1958 жылы 8 наурызда «Қазақстан» телехабар тарату компаниясының Алматы студиясында басталды. Кейін меншікті телевизия Өскеменде, Қарағандыда, 1959 жылы – Жезқазғанда, 1960 жылы Петропавлда, Целиноградта, Оралда іске қосылды. Қостанайда телевизиялық хронометраж 1991 жылы басталды.

Қазақ телевидениесінің бүкіл кезеңінде Нұртілеу Иманғалиұлы үлкен із қалдырды. Халқымыздың рухани-мәдени байлығын дамытуға зор үлес қосты.

Нұртілеу Иманғалиұлы 1952 жылы 14 мамырда Алматы облысы, Ақсу ауданы, Қарасу ауылында дүниеге келген.

С.Киров атындағы Қазақ мемлекеттік университетінің журналистика факультетінің түлегі.

1974 жылдан Қазақстан телевизиясы жастар редакциясында тілші, кіші редактор, аға редактор және бас редактор болып, "Хабар" агенттігінде модератор-жетекшісінің қызметтерін атқарған.

2003-2006 жылдары Қазақстан Республикасының Үкімет Кеңсесінің әлеуметтік-мәдени даму бөлімінің сектор меңгерушісі, Қазақстан Республикасы Президенті Әкімшілігінің бас маманы қызметтерін атқарған.

2006-2008 жылдары «Қазақстан» республикалық телерадиокорпорациясының басқарма төрағасы болып жұмыс істеді. Телевизия саласында 45 жыл қызмет атқарып, 4 500 бағдарлама жасап, көрермен ықыласына бөленді. Ол – «Жас жігер», «Бетпе-бет», «Қолтаңба» және тағы басқа бағдарламалардың авторы.

Нұртілеу Иманғалиұлы Қазақстанның Құрметті журналисті, Қазақстан Республикасы Жазушылар одағының мүшесі, Алматы облысы Ақсу ауданының Құрметті азаматы, Қазақстан Республикасының еңбек сіңірген қайраткері, 2018 жылы «Парасат» орденімен марапатталды.