Париж-2024: Лицензиялық турнирлер қай елдерде және қашан өтеді?
26 шілде-11 тамыз күндері аралығында Париж жазғы Олимпиадасы өтеді. Аталмыш бәсекеде 32 спорттан 48 дисциплина бойынша 329 жүлде жиынтығы сарапқа салынады. Дәл қазіргі сәтте Қазақстан қоржынында 7 спорт түрі бойынша 19 Олимпиада жолдамасы бар.
ҚР Туризм және спорт министрі Ермек Маржықпаевтың сөзінше алдағы басты жоспар – Париж Олимпиадасының жолдамасын 90-ға жеткізу.
Төменде бірнеше спорт түрлері көрсетілген. Ал кей спорттарда жолдама бірнеше сайыстың қорытындысы бойынша рейтингтік орындармен үлестіріледі.
Су түрлерінен әлем чемпионаты – 2-18 ақпан күндері Катар астанасы Дохада өтеді. Париж Олимпиадасының соңғы лицензиялық турнирі.
Су добы – 5-17 ақпан күндері Катар астанасы Дохада әлем чемпионаты өтеді. Ерлер құрамасының қарсыластары: Италия, Венгрия, Румыния.
Үстел теннисі – 16-25 ақпан күндері аралығында Оңтүстік Кореяның Пусан қаласында үстел теннисінен командалық әлем чемпионаты өтеді. Ширек финалға шыққан 8 команда Париж Олимпиадасының жолдамасын иеленеді.
Аралас жұптық сайыстан әлемдік іріктеу турнирі Чехияның Хавиров қаласында өтеді.
Бокс. 29 ақпан-12 наурыз күндері аралығында Италияның Бусто-Арсицио қаласында әлемдік іріктеу кезеңі өтеді.
Ал 23 мамыр-3 маусым күндері аралығында Таиланд астанасы Бангкокта шешуші лицензиялық жарыс жоспарланған.
Таэквондо – 15-16 наурыз күндері Қытайдың Тайань қаласында Азия құрлығының іріктеу турнирі.
Ауыр атлетика – 2-11 сәуір күндері Таиландтың Пхукет қаласында әлем чемпионаты өтеді.
Нысана көздеу – тапанша және винтовкамен ату бойынша жәлемдік іріктеу турнирі 11-19 сәуір күндері Бразилияның Рио де Жанейро қаласында өтеді.
Стенд ату – 19-29 сәуір күндері Катардың Доха қаласында әлемдік іріктеу турнирі жоспарланған.
Күрес – 19-21 сәуір күндері Қырғызстанның Бішкек қаласында Азия құрлығының іріктеу турнирі.
9-12 мамыр күндері Түркияның Стамбул қаласында әлемдік іріктеу турнирі.
Академиялық ескек есу – 19-21 сәуір күндері Оңтүстік Кореяның Чхунджу қаласында Азия және Океания құрлығының іріктеу турнирі өтеді.
19-21 мамыр күндері Швейцарияның Люцерн қаласында шешуші іріктеу сайыс.
Семсерлесу – 27-28 сәуір күндері БАӘ-ның Дубай қаласында Азия және Океания құрлығы бойынша іріктеу турнирі.
Брейкинг және спорттық құзға өрмелеу – 16-19 мамыр күндері аралығында Қытайдың Шанхай қаласында қаласында іріктеу турнирі.
20-23 маусым күндері аралығында Венгрия астанасы Будапештте лицензиялық жарыс.
Каноэде есу – 7-9 маусым күндері аралығында Чехия астанасында Прагада әлемдік іріктеу сайысы жоспарланған.
Садақ ату – 15-16 маусым күндері Түркияның Анталия қаласында жеке және командалық бәсеке бойынша лицензиялық турнир.