Астанада көркем гимнастикадан қалалық ашық чемпионат басталды

Бұл туралы Астана қаласының Дене шынықтыру және спорт басқармасы мәлімдеді, деп хабарлады Elorda.info.

Аталған жарыста қаланың ең мықты гимнасшылары өнер көрсетуде. Айта кетейік, олардың қатарында 16 көркем гимнастика мектебінің шәкірттері бар.

Қала чемпионатында астаналық гимнасшылар алдағы үш күн бойы топтық және жекелей сында өзара үздіктерді анықтайды.

Бірінші санат «жеке бағдарлама», бірінші разрядтан 33 қатысушы, 40 спорт шеберіне үміткер және 8 спорт шебері.

Екінші бағдарлама - «Топтық жаттығулар». Мұнда ең мықтылар атағына I разряд иегерлері қатарынан 16 команда, спорт шеберіне кандидаттардан 19 команда және спорт шеберлерінің 4 командасы қатысады.

Айтулы жарыстың басталуы күн сайын (8-10 қараша) сағат 09.00-де, «Beeline Arena» спорт кешенінде (Тұран даңғылы 4/2) өтеді.