Іздеу 
қаз
Елордалық полицейлер арасында шағын футболдан турнир өтті
Елорда ақпарат 
31 
Нұр-Сұлтан қаласы Полиция департаментінің анықтаушылары арасында шағын футболдан турнир өтті, деп хабарлады Elorda.info.
Турнирдің ашылу салтанатына ҚР ІІМ ТД АБ бастығы, полиция майоры Мәлік Қайбар және Нұр-Сұлтан қаласы ПД АБ бастығы, полиция майоры Диас Тоқатов қатысты.
Аталған іс-шараға анықтаушылардан құралған 6 команда қатысты, олар Алматы, Байқоңыр, Есіл, Сарыарқа аудандарының ПБ және Нұр-Сұлтан қаласы ПД Анықтау басқармасының анықтаушылары, сондай-ақ қонақ ретінде шақырылған Тергеу басқармасының командасы қатысты.
Турнирдің негізгі мақсаты – салауатты өмір салтын насихаттау, қызметкерлердің дене дайындығының жоғары деңгейін қамтамасыз ету, жастарды патриоттық сезімге тәрбиелеу.
Жарыс өте тартысты өтті, әр команда жақсы дайындықтарын көрсетті. Бәсекелестік пен достық қарым-қатынас рухында өткен сайыста жеңімпаздар анықталды.
Жарыс қорытындысы бойынша бірінші орынды Есіл ауданының ПБ командасы, екінші орынды Сарыарқа ауданының ПБ және үшінші орынды Тергеу басқармасы иеленді.
