Елордада триатлоннан халықаралық турнир өтеді

Әрбір жарыс үзіліссіз өткізілетін үш кезеңнен тұрады: жүзу – 3,86 км, велосипедпен жүру – 180,25 км және марафондық жүгіру – 42,195 км. Ironman 70.3 сериялық сайыс екі есе қысқартылған қашықтықта келесі сайыстарды қарастырады: жүзу – 1,9 км, велосипед жарысы – 90 км және жүгіру – 21,1 км.

Стартқа әлемнің 77 елінен 2 200 триатлет қатысады, бұл атлеттердің Қазақстанға деген жоғары ықыласын білдіреді. Турнир екі жылдық үзілістен кейін елдегі алғашқы жарыс болғалы тұр. Ұйымдастырушылар Ұлыбритания, Үндістан, Германия және Ресей елдерінен триатлеттер қатысады деп күтіп отыр.

Мұндай шараны өткізу әуесқой спортты ғана емес, туризмді де дамытуға ықпал етеді. Мысалы, Үндістаннан келген триатлеттер тобы 200 адам болып ұшады, бұл бір бортты құрайды. Спортшылар Қазақстанның оңтүстігін аралап, елмен танысуға ниеттеніп отыр. Менің ойымша, бұл қала мен ел бюджетіне айтарлықтай үлес қосады, өйткені ол мемлекет қаражатын тартпай жүзеге асырылады, - дейді сайыс директоры Алексей Сидоренко.

Естеріңізге сала кетейік, IRONMAN старты жыл бойы жер шарының түрлі орындарында өтеді. Олардың әрқайсысында маусымның басты старты – IRONMAN әлем чемпионатына қатысуға құқық беретін белгілі бір орындар (слоттар) ойнатылады. BI Group IRONMAN Kazakhstan Гавайи, Калуа-Конада IRONMAN World Championship 2021-де 45 слот ойнатылады.

Басқа елдердегі жарыстардың жойылуына байланысты біз жарыста 45 слот ойнауға мүмкіндік алдық және олар ең мықты болады, - дейді Алексей.

Іс-шара BI-Group холдингінің, Нұр-Сұлтан қаласы әкімдігінің және Қазақстан триатлон федерациясының қолдауымен өтеді.