Чемпиондар лигасы: 1/8 финалдың жеребесі екінші мәрте тартылды

Кеше елорда уақытымен 17:00-де жеребе тартылып, барлық жұп анықталған еді. Алайда, рәсім барысында екі ірі қателік кеткендіктен, жеребені қайта тартуға тура келді.

Ережеге сай, 1/8 финалда топтық кезеңде бірінші орын алған команда өзге топта екінші орын алған командамен кездеседі. Бірақ бір елдің қос командасы жолықпайды.  

Жеребе қорытындысы:

«Ред Булл Зальцбург» (Австрия) - «Бавария» (Мюнхен, Германия);

«Спортинг» (Португалия) - «Манчестер Сити» (Англия);

«Бенфика» (Португалия) - «Аякс» (Нидерланды);

«Челси» (Лондон, Англия) - «Лилль» (Франция);

«Атлетико» (Мадрид, Испания) - «Манчестер Юнайтед» (Англия);

«Вильярреал (Испания) - «Ювентус» (Турин, Италия);

«Интер» (Милан, Италия) - «Ливерпуль» (Англия);

«Пари Сен-Жермен» (Франция) - «Реал» (Мадрид, Испания).

Айта кетейік, 1/8 финалдың алғашқы ойындары 2022 жылы 15/16, 22/23 ақпанда, қарымта кездесулер 8/9/, 15/16 наурызда өтеді деп жоспарланған.