Қазақстандықтар Катардағы үстел теннисінен Азия чемпионатын бастады

Қазақстанның ерлер құрамасы Ирак, Иордания және Мальдив Республикасының командаларымен ойнайды. Ал біздің қыздар Бангладеш пен Шри-Ланкадан келген қарсыластармен кездеседі. Кіші топтардағы спортшылар Жапония, Корея, Гонконг, Сингапур, Үндістан, Иран және Тайбэй өз қарсыластарын күтіп тұрған жарыстың негізгі торына өту үшін бірінші орындарды иеленуі керек.

Ерлер командалары арасында #teamKZ атлеттері жарысты сәтті бастады. Қазақстандықтар Ирактың командасын сенімді жеңді — 3:0. Бүгін олар кіші топта тағы екі матч өткізеді.

Турнирде жеке, жұптық және аралас разрядтарда 200-ге жуық спортшы өнер көрсетеді, ал командалық Кубок үшін 28 ерлер мен 18 әйелдер құрамасы күреседі.

Естеріңізге сала кетейік, Қазақстан құрлықтың басты турнирінде Кирилл Герасименко, Алан Құрманғалиев, Айдос Кенжигулов, Ирисбек Артукметов, Сарвиноз Миркадирова, Анастасия Лаврова, Зәуреш Ақашева, Әнел Бақыт өнер көрсетеді.

Азия чемпионаты 5 қазанға дейін жалғасады.