Елордалық полицейлер мен еріктілер есірткі жарнамалайтын жазбаларды өшірді

Астанада «АМАНАТ» партиясы жанындағы «Жастар рухы» жастар қанатының ұйымдастыруымен белсенділер, спортшылар, ҮЕҰ өкілдері, қала тұрғындары, әкімдік және полиция қызметкерлерінің қолдауымен «Таза Қазақстан» акциясы өтті, деп хабарлады Elorda.info.

Акция «Нашақорлыққа қарсы күрес және нашақорлықтың алдын алудың 2023-2025 жылдарға арналған кешенді жоспарының» тармақтарын, сондай-ақ «Нашақорлыққа қарсы күрес күнін» мерекелеуге арналған айлық жоспарын іске асыру аясында ұйымдастырылды.

Аталған шараға 40-қа жуық қатысушы жиналды. «Есірткіге жол жоқ» ұранымен өткен акция аясында қатысушылар дәрі-дәрмектерді жарнамалайтын граффити сайттарын анықтап, сырлап өшіруге жұмылды.

Қылмыстық кодексте есірткіні таратқаны үшін ұзақ мерзімге бас бостандығынан айыру түріндегі қатаң жаза қарастырылған, – деп атап өтті Есірткі қылмысына қарсы күрес басқармасының бөлім бастығы Сергей Ильиных.

Айта кетейік, жыл басынан бері елордада есірткіні насихаттап, заңсыз жарнамалаған екі тұрғын анықталып, қылмыстық жауапкершілікке тартылды.