00:00
Астана -10oC
USD:
464.72
EUR:
496.32
RUB:
5.4
Поиск

Ұлттық қордан балалар шотына 250-300 доллар түсу керек еді – экономист

01.02.2024 | 09:51
139
фото: qazradio.fm

Бүгін «Ұлттық қор – балаларға» бағдарламасы бойынша БЖЗҚ-ға еліміздегі 18 жасқа дейінгі балалардың жинақтау шоттарына бірінші төлемді аударды. Әр балаға 100,52 доллардан түскені белгілі болды. Осы орайда экономист-сарапшы Сапарбай Жобаев түскен қаржы болжанған көлемнен екі жарым үш есеге аз деген пікір айтты, деп хабарлады Elorda.info тілшісі.

Экономистің сөзінше, әр балаға 250-300 доллар түсу болжанған. 

Қаржыгерлердің есептеуі бойынша Ұлттық қордан балаларға бөлінген 100 доллар аз. Себебі біз 58 млрд доллар болса, оның инвестициялық табысы кемінде 3-4 пайыз деп есептеп жүрген едік. Себебі шетелдердегі салынған бағалы қағаздар мен дивиденттер 3-4 пайыз табыс беретіні анық. Ол 2 млрд-тан көбірек болуы керек. Сонда инвестициялық табыстың жартысы 2-3 млрд деп есептейтін болсақ, шамамен 6 млн балаға бөлгенде 250-300 долларға ақша түсу керек еді. Бірақ кейбір деректерге қарағанда бізде 7 млн балаға бөлінеді екен. Онда осы 7 млн балаға 100 доллар түссе, онда инвестициялық табысымыз бар болғаны 1,5 млрд шамасында болып тұр. Енді Ұлттық қор осы есептеуді ашық айтса онда нақты белгілі болатын еді.  Ал негізінен біз әр балаға 250-300 доллар деп есептеп, айтып келе жатқан едік.  «Неге аз болып қалды?» деген сұраққа себеп көп қой. Жақында ғана «Самұрық-Қазына» 1,3 трлн теңгені «Қазақстан темір жолына» берді. Яғни, Ұлттық қордан  ақшаны алып, олардың төлемеген салықтарын жауып берді. Егер осылай ортақ қазанға қол сала беретін болса, әрине Ұлттық қордан түсетін ақша азырақ болады,- дейді экономист.

Айта кетейік, бүгінде әр баланың есепшотына қанша қаржы түсетіні барлық ата-ананы қызықтырады. Үкімет пен Ұлттық банктің есебі бойынша елімізде жыл сайын 400 мың сәби дүниеге келеді. Әр бала 18 жасқа толғанша олардың есепшотында шамамен кемі 3 мың АҚШ долларына тең қаражат жиналмақ. Алайда бұл нақты цифр емес. Себебі, осы уақытқа дейін экономист сарапшылар айтқандай Ұлттық қорға түсетін инвестиция көлемі жыл сайын неше мәрте өзгеріп отырады. 

 

Все новости