00:00
Астана -10oC
USD:
467.29
EUR:
501.03
RUB:
5.35
Поиск

Астанада мұнай-газ саласындағы машина құрастыруды дамытуға арналған форум өтті

14.04.2023 | 15:30
104
Фото: дереккөз

Астанада IMB Орталығында мұнай-газ саласындағы машина жасау ісін дамытуға арналған дәстүрлі форум өткізіліп, оған шетелдік және отандық мұнай-газ машина жасау кәсіпорындарының 250-ге жуық өкілі жиналды, деп хабарлады Elorda.info.

Аталған жиын Индустрия және инфрақұрылымдық даму министрлігі мен Энергетика министрлігінің, сондай-ақ ірі мұнай-газ операторларының қолдауымен ұйымдастырылды.

Іс-шараның ашылуына Премьер-министрдің орынбасары Алтай Көлгінов, Индустрия және инфрақұрылымдық даму вице-министрі Иран Шархан, Энергетика вице-министрі Асхат Хасенов және Қазақстан машина жасаушылар одағының басқарма төрағасы Мейрам Пішембаев қатысып, форумның сәтті өтуіне тілектерін жеткізді.

Отандық өнеркәсіпті дамытып, шағын және орта бизнесті қолдау – халқымыздың әл-ауқатын арттырудың кілті. Импортты алмастыруға қауқарлы отандық өндірушілерді осы бағыттағы жұмысқа барынша тартып, жаңа жобаларды құру мен іске асыру мәселесін пысықтау қажет. Қазір министрлік отандық өндірушілердің халықаралық стандарттарға сәйкестігін растау кезінде сертификаттауға жұмсалған шығындарын өтеу мәселесін қарастырып жатыр, деді вице-министр И.Шерхан.

Форум барысында мұнай-газ компанияларының басшылары, Қарашығанақ, Қашаған және Теңіз кен орындарының қызметі туралы айтып берді. Сонымен бірге IMB Орталығының бас директоры М.Кәрімов атқарылған жұмыстардың нәтижелері мен алдағы жоспарларға кеңірек тоқталды.

Бұл ретте қазір Мұнай-газ саласындағы машина жасауды дамыту жөніндегі халықаралық орталық ірі мұнай-газ жобалары үшін технологияларды трансферттеп, өндірісті локализациялауға қолғабыс етіп келе жатқанын айта кеткен орынды. Дәстүрге айналған форумның жұмысы IMB Орталығының қызметіндегі нәтижелер және алдағы жоспарлармен мүдделі тараптарды ақпараттандыруға бағытталған. Жиын кезінде қатысушылар көкейкесті сауалдарын жолдап, өзара пікір алмасты.

Все новости