Қазақ киіз үйі алғаш рет Африкада таныстырылды

Қазақстанның Тәуелсіздік күні қарсаңында БҰҰ-ның Африка елдеріне арналған Экономикалық және әлеуметтік комиссиясының (UNECA) алаңында алғаш рет қазақ киіз үйінің тұсаукесері болды, деп хабарлады Elorda.info СІМ баспасөз қызметіне сілтеме жасап.

Іс-шара UNECA-дағы жыл сайынғы Дипломатиялық базар аясында өтті. Тұсаукесерге Аддис-Абебадағы БҰҰ органдарының, Африка одағы комиссиясының, Эфиопияның мемлекеттік органдарының қызметкерлері, Аддис-Абебада аккредиттелген шет мемлекеттердің елшілері, сондай-ақ Африкадағы Қазақстанның Достар клубының мүшелері қатысты.

Тұсаукесерде қазақ халық билерінен «қамажай» және «қара жорға», Абайдың поэзиялық шығармаларынан тұратын мәдени бағдарлама көрсетілді.

Іс-шараға қатысушылардың ұлттық ою-өрнектермен, қазақ музыкалық аспаптарымен, тұрмыстық заттармен және ұлттық костюмдермен безендірілген қазақ киіз үйінің безендірілуі ерекше қызығушылық тудырды. Қонақтарға қазы, бауырсақ, жент және басқа да қазақ ұлттық тағамдары ұсынылды.

Африка елдерін мәдениетімізбен және ЮНЕСКО-ның материалдық мәдени мұра тізіміне енген киіз үймен таныстыру биыл аяқталатын Қазақстан бастамасымен белгіленген БҰҰ мәдениеттер жақындасуының халықаралық он жылдығы, сондай-ақ мәдениетаралық диалог пен ынтымақтастықты дамыту контекстінде маңызды мәнге ие болды.

Тұсаукесер іс-шара қонақтарының көңілінен шығып, Қазақстан мәдениетіне үлкен қызығушылық тудырды.