Елордада Ескендір Хасанғалиевті еске алу кеші өтеді

Бұл ретте ұйымдастырушылардың басты мақсаты – өмірін өнерге арнап, ұмытылмас есті әндерді дүниеге әкелген әнші-композитор, Мемлекеттік сыйлықтың иегері, Қазақстан КСР Халық әртісі Ескендір Хасанғалиевті еске ала отырып, оның әндерін көрермендер назарына ұсыну.

Кеште Үрлемелі оркестрмен бірге ҚР еңбек сіңірген әртісі Майра Ильясова, Қазақстанның еңбек сіңірген қайраткерлері Светлана Айтбаева, Сүндет Байғожин, Алтынай Жорабаева, Маржан Арапбаева, Арайлым Рахымқызы, Халықаралық байқаулардың лауреаттары Бибигүл Тыныштық, Айдын Жұмабаев, Нұрбол Балапанов, Әйгерім Ораз, Талғат Аллабиринов, Ақбота Кұснадин, Әкімхан Маженов, Мұратбек Хайролда, Нұрбол Балапанов және «ALEM» эстрадалық би ансамблі, Ұлттық ұланның «Құрмет» қарауыл ротасы өнер көрсетеді.