Елордада «Мыңжылдық» аллеясы қалпына келтіріледі

Астанада «Мыңжылдық» аллеясы қалпына келтіріледі. Бірінші кезекте инженерлік инфрақұрылым салынатын болады: сумен жабдықтау, жылумен жабдықтау, электр, кәріз, нөсер және т.б. желілері, сонымен қатар аллея бойында қосымша әлеуметтік нысандар салу, жаппай көгалдандыру, абаттандыру көзделетін болады, деп хабарлады Elorda.info қалалық әкімдіктің сайтына сілтеме жасап. 

Премьер-министрдің бірінші орынбасары Роман Скляр мен елорда әкімі Жеңіс Қасымбек жауапты мемлекеттік органдармен және құрылыс салушылармен бірлесіп «Мыңжылдық» аллеясын дамыту тұжырымдамасын талқылады.

Астана әкімі бұл ауданда инженерлік желілер ғана емес, әлеуметтік нысандардың жетіспеушілігі, ТК сырт келбеті және т.б. проблемалар бар екенін атап өтті.

«Мыңжылдық» аллеясында әлеуметтік нысандардың (мектептер, медициналық орталықтар, балабақшалар), сондай-ақ мәдени және спорттық нысандардың санын көбейтетін боламыз. Мұнда да рекреациялық аймақтар ашылады. Өзгерістер тұрғын үй кешендерінің құрылысына да әсер етеді. Арнайы бұрмалары жоқ тұрғын үй кешендерінің құрылысы инженерлік желілер құрылысы аяқталғанға дейін басталмайды. Құрылыс салушыларға қойылатын талаптар күшейтіледі: тек сапалы құрылыс салу ғана емес, сонымен қатар өз аумағын, аулаларын абаттандыру, көгалдандыруға назар аудару қажет. Аллеяны қалпына келтіру жұмысы Мемлекет басшысының тікелей бақылауында, - деді Астана әкімі Жеңіс Қасымбек.

Аталмыш шағын ауданды инженерлік желілермен қамтамасыз ету үшін А.Байтұрсынұлы көшесінен Ж.Нәжімеденов көшесіне дейінгі учаскедегі А86 көшесі бойында, Қалдаяқов көшесінің А62 көшесінен А86 көшесіне дейінгі аралығы, А62 көшесінен А86 көшесіне дейінгі бөлігіндегі В-15 көшесінде нөсер кәрізі тазарту құрылысының, нөсер кәрізінің коллекторларының құрылысы жүргізілуде.

Жылу-энергетикалық жүйені дамыту бағдарламасы шеңберінде тарату пункті мен трансформаторлық қосалқы станция салу, 110 кВ ЭБЖ реконструкциялау және салу («Жұлдыз» трансформаторларын ауыстыру және «Восточная» 110 кВ кабельдік желісін реконструкциялау) және т.б.

Осыған дейін «Мыңжылдық» аллеясы ауданында нөсер кәрізінің магистральдық коллекторы, сумен жабдықтау, су бұру және нөсер кәрізінің желілері салынды. Желілер бойынша жұмыс жалғасуда.